________________ रत्तुक्कडा उ इत्थी अट्ठ दिणे तेण सत्त सुक्कहिए। तिण्ण दिणाण परेणं अणोउगं तं महारत्तं .. // 1470 // दंते दिढे विगिचण सेसटुिं बारसेव वरिसाइं। दड्डट्ठीसु न चेव य कीरइ सज्झायपरिहारो // 1471 // विक्खंभो कोडिसयं तिसट्ठिकोडी उ लक्खचुलसीई / नंदीसरो पमाणंगुलेण इय जोयणपमाणो // 1472 / / एयंतो अंजणरयणसामकरपसरपूरिओवंता / बालतमालवणावलिजुयव्व घणपडलकलियव्व // 1473 / / चउरो अंजणगिरिणो पुव्वाइदिसासु ताणमेक्केक्को। .. चुलसीसहस्सउच्चो ओगाढो जोयणसहस्सं // 1474 // मूले सहस्सदसगं विक्खंभे तस्स उवरिसयदसगं। तेसु घणमणिमयाई सिद्धाययणाणि चत्तारि // 1475 // जोयणसयदीहाइं बावत्तरि ऊसियाई रम्माइं / पन्नास वित्थडाइं चउदुवाराई सधयाइं .. // 1476 // पइदारं मणितोरणपेच्छामंडवविरायमाणाई। पंचधणुस्सयऊसियअद्भुत्तरसयजिणजुयाई // 1477 // मणिपेढिया महिंदज्झया य पोक्खरिणिया य पासेसुं / कंकेल्लिसत्तक्त्रयचंपचूयवणजुयाओ // 1478 // नंदुत्तरा य नंदा आणंदा नंदिवद्धणा नाम / पुक्खरिणीओ चउरो पुव्वंजणचउदिसिं संति // 1479 // विक्खंभायामेहिं जोयणलक्खप्पमाणजुत्ताओ। . दसजोयसियाओ चउदिसितोरणवणजुयाओ // 1480 // तासिं मज्झे दहिमुह महीहरा दुद्धदहियसियवन्ना। पोक्खरिणीकल्लोलाहणणोब्भवफेणपिण्डु व्व // 1481 // 124
