________________ पलिओवमट्टिईया निहिसरिनामा य तत्थ खलु देवा / जेसिं ते आवासा अक्केज्जा आहिवच्चाय // 1230 / / एए ते नव निहिणो पभूयधणरयणसंचयसमिद्धा। जे वसमुवगच्छंति सव्वेसिं चक्कवट्टीणं / // 1231 // नमिउं नेमि एगाइजीवसंखं भणामि समयाओ। चेयणजुत्ता एगे भवत्थसिद्धा दुहा जीवा . // 1232 // तस थावरा य दुविहा तिविहा थीपुंनपुंसगविभेया। नारयतिरियनरामरगइभेयाओ चउब्भेया // 1233 / / अहव तिवेयअवेयगसरूवओ वा हवंति चत्तारि। ... एगबितिचउपणिदिय रूवा पंचप्पयारा ते . // 1234 // एए च्चिय छ अणिदियजुत्ता अहवा छ भूजलग्गिनिला। वणतससहिया छप्पिय ते सत्तं अकायसंवलिया - // 1235 / / अंडय रसय जराउय संसेयय पोयया समुच्छिमया / उब्भिय तहोववाइय भेएणं अट्ठहा जीवा.. // 1236 // पुढवाइ पंच बितिचउपणिदि जुत्ता य नवविहा हुंति / नारयनपुंस तिरिनरतिवेय सुरथीपुमेवं वा // 1237 // पुढवाइ अट्ठ असन्नि सन्नि दस ते ससिद्ध इगदसउ। पुढवाइया तसंता अपज्जपज्जत्त बारसहा // 1238 // बारस वि अतणुजुत्ता तेरस सुहुमियरेगिदिबेइंदी / तिय चउ असन्नि सन्नि अपज्ज-पज्जत्त चउदसहा // 1239 // चउदस वि अमलकलिया पनरस तह अंडगाइ जे अट्ठ। ते अपज्जत्तगपज्जत्तभेयओ सोलस हवंति // 1240 // सोलस वि अकायजुया सतरस नपुमाइ नव अपज्जत्ता / पज्जत्ता अट्ठारस अकम्म जुअ ते इगुणवीसं // 1241 // 104
