________________ नेसप्पे पंडुयए पिंगलए सव्वरयण महपउमे / काले य महाकाले माणवग महानिही संखे . // 1218 // नेसप्पंभि निवेसा गामगरनगरपट्टणाणं च / दोणमुहमडंबाणं खंधाराणं गिहाणं च // 1219 // गणियस्स य गीयाणं माणुम्माणस्स जं पमाणं च। धन्नस्स य बीयाणं उप्पत्ती पंडुए भणिया // 1220 // सव्वा आहरणविही पुरिसाणं जा य जा य महिलाणं / आसाण य हत्थीण य पिंगलगनिहिम्मि सा भणिया // 1221 // रयणाई सव्वरयणे चउदस पवराई चक्कवट्टीणं / उप्पज्जंति एगिदियाई पचिंदियाइं च . // 1222 // वत्थाण य उप्पत्ती निप्फत्ती चेव सव्वभत्तीणं / रंगाण य धाऊण य सव्वा एसा महापउमें . // 1223 // काले कालन्नाणं भव्व पुराणं च तिसु वि वंसेसु / सिप्पसयं कम्माणि य तिन्नि पयाए हियकराई // 1224 // लोहस्स य उप्पत्ती होइ महाकाल आगराणं. च। . रूप्पस्स सुवण्णस्स य मणिमोत्तियसिलप्पवालाणं // 1225 // जोहाण य उप्पत्ती आवरणाणं च पहरणाणं च। सव्वा य जुद्धनीई माणवगे दंडनीई न्य // 1226 // नट्टविही नाडयविही कव्वस्स चउव्विहस्स निप्फत्ती / संखे महानिहिम्मि उ तुडियंगाणं च सव्वेसि // 1227 // चक्कट्ठपइट्ठाणा अट्ठस्सेा य नव य विक्खंभे / बारस दीहा मंजूससठिया जण्हवीए मुहे // 1228 // वेरुलियमणिकवाडा कणयमया विविहरयणपडिपुन्ना / ससिसूरचक्कलक्खण अणुसमवयणोववत्तीया // 1229 // .. . 103
