________________ हुँति हु अमणतिरिच्छा नरतिरिया जुयलधम्मिए मोत्तुं / गब्भचउप्पयभावं पावंति अजुयलचउगइया // 1122 // नेरइया अमरा वि य तेरिच्छा माणवा य जायंति। मणुयत्तेणं वज्जित्तु जुयलधम्मियनरतिरिच्छा // 1123 // भिन्नमुहूत्तो विगलेंदियाण संमुच्छिमाण य तहेव / बारस मुहुत्त गब्भे सव्वेसु जहन्नओ समओ // 1124 // उव्वट्टणा वि एवं संखा समएण सुरवरुतुल्ला / नरतिरियसंख सव्वेसु जंति सुरनारया गब्भे // 1125 // बारस मुहुत्त गब्भे मुहुत्त सम्मुच्छिमेसु चउवीसं / उक्कोस विरहकालो दोसु वि य जहन्नओ समओ // 1126 // एमेव य उव्वट्टणसंखा समएण सुरवरुतुल्ला। मणुएसुं उववज्जेऽसंखाउय मोत्तु सेसाओ .. // 1127 // भवणवइवाणमंतरजोइसियविमाणवासिणो देवा। . दस अट्ठ पंच छव्वीस संखजुत्ता कमेण इमे . // 1128 // असुरा नागा विज्जू सुवन्न अग्गी य वाउ थणिया य।। उदही दीव दिसाविय दस भेया भवणवासीणं // 1129 // पिसाय भूया जक्खा य रक्खसा किन्नरा य किंपुरिसा / महोरगा य गंधव्वा अट्ठविहा वाणमंतरिया // 1130 // अणपन्निय पणपन्निय इसिवाइय भूयवाइए चेव। कंदिय तह महकंदिय कोहंडे चेव पयंगे य // 1131 / / इय पढमजोयणसए रयणाए अट्ठ वंतरा अवरे। तेसु इह सोलसिंदा रुयगअहो दाहिणुत्तरओ // 1132 // चंदा सूरा य गहा नक्खत्ता तारया य पंच इमे। एगे चलजोइसिया घंटायारा थिरा अवरे // 1133 // ... . 5
