________________ सोहंमीसाण सणंकुमार माहिंद बंभलोयभिहा / लंतय सुक्क सहस्सार आणयप्पाणया कप्पा // 1134 // तह आरण अच्चुया विहु इण्डिं गेविज्जवरविमाणाई। पढमं सुदरिसणं तह बिईयं सुप्पबुद्धति // 1135 // तइयं मणोरमं तह विसालनामं च सव्वओभदं / सोमणसं सोमाणस महपीइकरं च आइच्वं // 1136 // विजयं च वेजयंत जयंतमपराजियं च सव्वटुं / एयमणुत्तरपणगं एएसिं चउव्विहसुराणं // 1137 // चमरबलि सारमहियं सेसाण सुराण आउयं वोच्छं। दाहिणदिवड्डपलियं दो देसूणुत्तरिल्लाणं // 1138 // अद्भुट्ठ अद्धपंचमपलिओवम असुरजुयलदेवीणं। सेसवणदेवयाण य देसूणद्धपलियमुक्कोसं // 1139 // दसभवणवणयराणं वाससहस्सा ठिई जहण्णेणं / पलिओवममुक्कोसं वंतरियाणं वियाणिज्जा.. // 1140 // पलियं सवरिसलक्खं ससीण पलियं वीणं ससहस्सं / गहणक्खत्तताराण पलियमद्धं च चउब्भागो // 1141 // तद्देवीण वि तट्ठिइअद्धं अहियं तमंतदेविदुगे। पाओ जहन्नमट्ठसु तारयतारीणमटुंसो // 1142 // दो साहि सत्त साहिय दस चउदस सत्तरेव अयराई। सोहम्मा जा सुक्को तदुवरि एक्केक्कमारोवे // 1143 // तेत्तीसऽयरुक्कोसा विजयाइसु ठिइ जहन्न इगतीसं / . अजहन्नमणुक्कोसा सव्वढे अयर तेत्तीसं // 1144 // पलियं अहियं सोहंमीसाणेसुं तओऽहकप्पठिई। उवरिल्लम्मि जहन्ना कमेण जावेक्कतीसऽयरा // 1145 //
