________________ पुढवीआउवणस्सइबायरपत्तेसु लेस चत्तारि।। गब्भे तिरियनरेसुं छल्लेसा तिन्नि सेसाणं // 1110 // एगेंदियजीवा जंति नरतिरिच्छेसु जुयलवज्जेसुं। अमणतिरिया वि एवं नरयम्मि वि जंति ते पढमे // 1111 / / तह संमुच्छिमतिरिया भवणाहिववंतरेसु गच्छंति / जं तेसिं उववाओ पलियासंखेंज्जआऊसुं . // 1112 // पंचिंदियतिरियाणं उववाउक्कोसओ सहस्सारे / नरएसु समग्गेसु वि वियला अजुयलतिरिनरेसु // 1113 / / नरतिरिअसंखजीवी जोइसवज्जेसु जंति देवेसु। ... नियआउयसमहीणाउएसु ईसाण अंतेसु // 1114 / / उववाओ तावसाणं उक्कोसेणं तु जाव जोइसिया। जावंति बंभलोगो चरगपरिव्वायउववाओ // 1115 // जिणवयउक्किट्ठतवकिरियाहिं अभव्वभव्वजीवाणं / गेविज्जेसुक्कोसा गई जहन्ना भवणवईसु . // 1116 // छउमत्थसंजयाणं उववा उक्कोसओ अ सव्वतु। उववाओ सावयाणं, उक्कोसेणऽच्चुओ जाव // 1117 // उववाओ लंतगम्मि चउदसपुव्विस्स होइ उ जहन्नो। उक्कोसो सव्वट्ठे सिद्धिगमो वा अकम्मस्स // 1118 / / अविराहियसामन्नस्स साहुणो सावयस्स वि जहन्नो। सोहम्मे उववाओ वयभंगे वणयराईसुं // 1119 / / सेसाण तावसाईण जहन्नओ वंतरेसु उववाओ। . भणिओ जिणेहिं सो पुण नियकिरियठियाण विन्नेओ // 1120 // नेरइयजुयलवज्जा एगिदिसु इंति अवरगइंजीवा। विगलत्तेणं पुण ते हवंति अनिरइय अमरजुयला // 1121 // 64
