________________ इअ सासणउदयगिरिं जिणभासिअधम्मसायराणुगयं / पाविअ पभासयंतो सहस्सकिरणो जयउ एसो // 319 // विश्राम-४ अह खरयरमयमूलं उस्सुत्तं जं जहा जओ जायं / पढमायरिअं नामुष्पत्तिं चुस्सुत्तमवि वुच्छं // 320 // कुच्चयरगच्छवासी चिइअनिवासी जिणेसरो सूरी / जिणवल्लहो अ सीसो तेण कओ दविणदाणेण // 321 // सो चइउं निअयगुरुं चित्तउडे चंडिआमढम्मि ठिओ। वासारत्तं अण्णत्थ वसहिमवगासमलहंतो - // 322 // सुविहिअमच्छरगसिओ तसिओ सुपहा सुविहिअनियत्थो / तेणं केइ वि सड्ढा वसीकया वयणरयणाए // 323 // तेसि पुरओ पढमं छटुं कल्लाणगं पि उवइटुं। . निअचिंतिअकज्जट्ठा वारिज्जंतेण तेणेव // 324 // एवं वुग्गाहंतो अण्णत्थ वि विहरिऊण कइ वरिसे। निअयपयसीसरहिओ कालगओ कालजोएण // 325 // इअ जिणवल्लहजाओ कुच्चयरा नामओ अ विहिसंघो। खरयरमयबीअं ति अ काउमिह समासओ भणिओ // 326 // कुच्चयरा विहिसंघो दुग्गमिवऽवलंबिऊण विहिसंघं / जिणदत्ताओ खरयरनामेण पवट्टिअं कुमयं // 327 // निस्सामिअसमवायं मुणिऊण य सोमचंददव्वमुणी। सूरी हवित्तु सामी जाओ जिणदत्तनामेण // 328 // - 385
