________________ छेओवट्ठावणिअप्पमुहुच्चाराइ णाणमाईणं / आराहणाइविहओ पुत्थयदिट्ठीण न हु हुंति . // 60 // ववहारिअकुलवडिओ आयारो घरउवक्खरो सयलो। किं लेक्खगम्मि लिहिओ? ता कह सूरीण कुलवडिओ? // 61 // अत्तागमपासाओ सुणिओ बीओ अणंतरागमओ / तत्तो सवणपरंपरसमागओ तइअ आगमओ सूरिपरंपररहिओ पुत्थयलिहिओ अ जो उ सिद्धंतो / तिण्ह खलु आगमाणं केरिसओ केण नामेणं ? // 63 // एवं खलु पुच्छिओ सो वेसातणउ व्व जणयममुणंतो। को वि अ होहि अवत्तं संणेई एलमूउ व्व // 64 // जह आगमो अवत्तो विगप्पिअत्थो तहेव तम्मूलं / तित्थयरो वि अवत्तो तं तयवच्चाइ अव्वत्ता // 65 // उसभाईजिणणामारोवेणाणेगहा वि एगजणो / निअनिअमयाइभूओ पुत्थयसिद्धंततित्थयरो तेणं तित्थाभासे तित्थयरो तित्थतित्थकरनामा / सव्वप्पयारपावो भिन्नो भिन्नु त्ति विण्णेओ // 67 // सव्वेहि सद्देहि सव्वपयत्था वि हुंति अहिलप्पा / आरोवेण जहिच्छिअसंकेओ जेणमणिवारो // 68 // जह चेइअसद्देणं णाणं साहू अ साहिपमुहाई / लुंपगविगप्पिआई तेणं ते तम्मए अत्था . // 69 // एवं खलु तित्थयरं इत्थीमुत्तिं निसेहगं खमणा / पुण्णिमिआ पुण पुण्णिमपक्खिअदक्खं जिणं बिंति // 70 // इत्थीणं जिणपूआपडिसेहपरायणं पि खरयरया / अंचलिया अंचलयं परूवयंतं पि सड्ढाणं // 71 // 393
