________________ // 80 // // 83 // एवं सूरिपरंपररहिओ कहिओ न सोहमावच्चो। अह अरिहकयाणकयं दंसेमि कुवक्खिअक्खित्तं जो पुण भणइ अवत्तो तित्थगरकयम्मि वट्टमाणाणं / अम्हाणं ण उ दोसो इअ खलु सम्मोहकम्मुदया // 81 // तित्थगरस्सुवएसो पमाणमिह होइ न उण तक्किच्चं / अण्णेसिमण्णहा खलु तित्थपवित्ती वि दुल्लब्भा : // 82 // गुरुनिस्सामुणिवेसावस्सयउवएसमाइ मुणिधम्मो / तित्थगरस्सासंतो जम्हा तित्थस्स हेउ त्ति उवएसो पुण कालगसरिसवए सोहणो तहकारो / . सामायारीसमए भणिआ नऽन्नाणविण्णाणं // 84 // कारणिअं अपमाणं जइ ता कह सावयाइपरिसाए। पज्जोसवणाकप्पो कड्डिज्जइ तेण मूढेण ? // 85 // पज्जोसवणचउत्थी कढणं कप्पस्स सगिहिपरिसाए / दुन्नि वि कारणजायं हेअं अहवा उपादेअं .. // 86 // इह केऽवऽण्णाणंधा आगारप्पमुहसरिसधम्मेहिं / एए वि साहुसावयपंतिवडिअ त्ति पलवंति // 87 // जलयनरा नरसरिसा दीसंता मणुअजोणिबाहिरिआ / एवं कुवक्खिआविअ मुणिसरिसा तित्थबाहिरिआ // 88 // केइ वि तित्थाजाया वयणणमुक्कारसुन्दराभासा / साहम्मिआण मज्झे गणणा णो दोसमावहइ // 89 // तेसिं भोअणकिरिआपरमित्तो मंससायरसिओ वि। . पंतवडिओ न दुट्ठो विणट्ठमेरो वि समधम्मो // 90 // गोमंसाणंतगुणं उस्सुत्तं सासणे गरहणिज्जं / तेण जुओ समधम्मो विवरीओ केरिसो अण्णो? // 91 // 340
