________________ जो असुअधम्मवयणा कुवक्खिओ सुणिअ धम्मिओ जाओ। सो कीडिआ पसूओ उट्टो आभाणविसओ त्ति . // 68 // इत्थी वि निअयवच्चं थणपाणं कारवेइ सा चेव / जीए कए सयं तं नन्ना जह पक्खिणी रुक्खे // 69 // कजं कारणविक्खं गावी किं गयपसूइआ पुट्ठा / तह असुअधम्मियाओ सुयधम्मा कह हविज्जा वि? // 70 // गब्भयइत्थी गब्भं धरेइ नन्ना वि एस जगवट्टो / तह सीसो वि हविज्जा गुरू न इअरो त्ति जिणभणिअं // 71 // हंतूण सव्वमाणं सीसो होऊण ताव सिक्खाहि / सीसस्स हुंति सीसा न हुंति सीसा असीसस्स // 72 // सव्वेहिं कुवखेहि अ कस्स वि पासे सुओ न निअमग्गो / न वि सीसा नागुरुणो हुंता किं हुंति नोम्मत्ता ? // 73 // तम्हा लिहणं सवणं परंपरासंगयं ति उभयं पि। हेअं व उपादेयं गुणदोसविआरणा तुला सुत्तत्थु व्व चउत्थीपज्जोसवणा वि कालगायरिआ / अण्णं पि धम्मकम्मं परंपरा संगयं चेव // 75 // सुत्तत्थधारगेहिं पज्जोसवणा चउत्थि पडिवण्णा / सुत्तत्थधारगा पुण निअमा चाउत्थिआ नन्ने // 76 // चित्तं चउत्थिपवत्तगकालगज्जो स तिथि जुगपवरो / सुत्तसरणा वि पंचमिपव्वत्तगा तित्थबाहिरिआ // 77 // बाहिरभावं सव्वे कुवक्खगा निअमुहेण भासंति / जण्णं भणंति तित्थं अच्छिनं जाव दुप्पसहो // 78 // सूरिपरंपररहिआ भणंति अम्हे वि सोहमावच्चा / चित्तं मुच्छिममणुआ लोआण वि चक्खुविसय त्ति // 79 // ___336 // 74 //
