________________ तम्हा चउविभागो जुज्जइ न उ नाणदंसणजिणाणं / सयलमणावरणमणंतमक्खयं केवलं नाणं . // 71 // परवत्तव्वयपक्खा अविसिट्टा तेसु तेसु सुत्तेसु / अत्थगई य उ तेसि विअंजणं जाणओ कुणई // 72 // जेण मणोविसयगयाण दंसणं नत्थि दव्वजायाणं / तो मणपज्जवनाणं निअमा नाणं तु निद्दिटुं // 73 // चक्खुअचक्खुअवहिकेवलाण समयम्मि दंसणविगप्पा / परिपढिआ केवलनाणदंसणा तेण ते अन्ना // 74 // दंसणमोग्गहमेत्तं घटो त्ति निव्वण्णणा हवइ नाणं / जह एत्थ केवलाणं विसेसणं एत्ति चेव // 75 // दसणपुव्वं नाणं नाणनिमित्तं तु दंसणं नत्थि।। तेण सुविणिच्छिआमो दंसणनाणा ण अण्णत्तं // 76 // जइ उग्गहमित्तं दंसणमिति मनसि विसेसिअं नाणं / मइनाणमेव दंसणमेवं सइ होइ निप्फण्णं // 77 // एवं सेसिदिअदंसणेसु नियमेण होइ न य जुत्तं / अह तत्थ नाणमेत्तं घिप्पइ चक्खुम्मि वि तहेव // 78 // नाणं अप्पुढे अविसए अ अत्थम्मि दंसणं होइ / मोत्तूण लिंगओ जं अणागमाईअविसएसु // 79 // मणपज्जवनाणं दंसणं ति तेणेव होइ नय जुत्तं / भन्नइं नाणं नोइंदिअंति न घडादओ जम्हा // 80 // मइसुअनाणनिमित्तो छउमत्थे होइ अत्थउवलंभो / एगयरम्मि वि तेसिं न दंसणं दंसणं कत्तो // 81 // जं पच्चक्खग्गहणं ण इन्ति सुअनाणसंसिआ अत्था / . तम्हा सणसद्दो न होइ सयलो वि सुअनाणे // 82 //
