________________ अत्यंतरभूएहि अ निअएहि अ दोहि समयमाईहिं / वयणविसेसाईअं दव्वमवत्तव्वयं पडइ. // 36 // अह देसो सब्भावे देसो सब्भावपज्जवे निअओ / तं दविअमस्थि नत्थि अ आएसविसेसि जम्हा // 37 // सब्भावे आइट्ठो देसो देसो अ उभयहा जस्स / तं अस्थि अवत्तव्वं च होइ दविअं विअप्पवसा . // 38 // आइट्ठोऽ सब्भावे देसो देसो अ उभयहा ज़स्स / तं णत्थि अवत्तव्वं च होइ दविअं विअप्पवसा // 39 // सब्भावासब्भावे देसो देसो अ उभयहा जस्स। तं अत्थि णत्थिअवत्तव्वयं च दविअं विअप्पवसा // 40 // एवं सत्तविअप्पो वयणपहो होइ अत्थपज्जाए / वंजणपज्जाए पुण सविअप्पो निम्विअप्पो अ // 41 // जह दविअमप्पिअं तं तहेव अस्थि त्ति पज्जवनयस्स / न य समयपन्नवणा पज्जवनयमेत्तपडिपुण्णा // 42 // पडिपुण्णजोव्वणगुणो जह लज्जइ बालभावचरिएहि / कुणइ अ गुणपणिहाणं अणागयसुहोवहाणत्थं . // 43 // ण य होइ जोव्वणत्थो बालो अन्नो वि लज्जइ न तेण। .. न वि अ अणागयवयगुणपसाहणं जुज्झइ विभत्ते // 44 // जाइकुलरूवलक्खणसन्नासंबंधओ अहिगयस्स / बालाइभावदिट्ठविगयस्स जह तस्स संबंधो // 45 // तेहिं अइआणागयदोसगुणदुगंछणऽब्भुवगमेहिं / तह बंधमोक्खसुहदुक्खपत्थणा होइ जीवस्स . // 46 // अन्नोन्नाणुगयाणं इमं च तं चत्ति विभयणमजुत्तं / . जह दुद्धपाणिआणं जावंत विसेसपज्जाया // 47 //
