________________ सम्म पडिच्छिऊणं सुरवरवसभाण तं सुरा वयणं / / आणेति विमलसलिलं सव्वेसु जहुत्तठाणेसु // 228 / / सव्वोसहि-सिद्धत्थग-हरियालिय-कुसुमगंधचुण्णे य / आणेति ते पवित्तं दह-नइ-तडमहि(ट्टि)यं च सुरा: // 229 // तो अच्चुयकप्पई सुवन्न-मणि-रयण-भोमकलसेहिं / पउमुप्पलप्पिहाणेहि कुसुमगंधुदगभरिएहि // 230 // अभिसिंचइ दस वि जिणे सपरि(री)वारो पहट्ठमुहकमलो। पहयपडुपडह-दुंदुहि-जयसदुग्धोसंणरवेणं . // 231 // गोसीसचंदणरसं सुमणं साहावियं च दिव्वं च / सलिलं च तेयजणणं जिणाण उवरि छुहंति सुरा // 232 // सुरगहियकलसमुहनिग्गएणं गंधोदएण विमलेण / पउममहद्दहनिग्गयगंगासलिलोहसरिसेणं // 233 // उवरि निवडतेणं बालजिणे तेयरासिसंपण्णे / अहियं दिप्पंति तहिं घयपरिसित्ते हुयवहे व्व // 234 // तो जिणवराभिसेए वटुंते विविहरूव-वेसधरा / ससुरासुर-गंधव्वा ससिद्ध-विज्जाहरा मुइया // 235 // तत-विततं घण-झुसिरं वज्जं वाइंति केइ सुरवसभा। गायंति ससिंगारं सत्तस्सरसीभरं गेयं // 236 // चउअभिणयसंजुत्तं उणयालीसंगहारपडिपुण्णं / / सुललियपयविच्छोहं नट्टं दाइंति तत्थ सुरा // 237 // वग्गंति फोडणं(?यं)ति य तिवई छिदंति विविहवेसध्ररा / वासंति जलधरा इव सविज्ज-थणियं तहिं अण्णे // 238 / / हयर्हिसिय-गयगज्जिय-रहघणघण-सीहणाय-जयसद्दे / कुणमाणेहिं सुरेहिं रसइ व गयणं दलइ भूमी // 239 //
