________________ बारसजोयणपिहुलाओ ताओ उवणे(? रिं) तु जोयणे चउरो / तासिं चउद्दिसि पि य सिलाओ चत्तारि रम्माओ // 216 // पंचसयाऽऽयामाओ मज्झे दीर्घत्तणद्धरुंदाओ। चंदद्धसंठियाओ कुमुयोयर-हारगोराओ // 217 // पुव्वेण पंडुकंबल अवरेण अ(5)इपंडुकंबला होइ / रत्ताऽइरत्तकंबलसिला य दो दक्खिणुत्तरओ // 218 // पुव्वावरासु दो दो सिलासु सीहासणाई रम्माई / चंदद्ध दक्खिणुत्तरसिलासु एक्कक्कयं भणियं // 219 // सीता-सीतोयाणं उभओकूलुब्भवा जिणवरिंदा / अभिसिंचं(सिच्चं)ति सुरेहिं जम्मे पुव्वावरसिलासु // 220 // भरहेरवयजिणिंदा बालते पुण्णचंदसरिसमुहा / अभिसिंचं(सिच्च)ति सुरेहिं जम्मे जम्मुत्तरसिलासु // 221 // अह सो सोहम्मवती सहिओ बत्तीससुरवरिंदेहिं / दक्खिणसिलाओ पंच वि सहस्सपत्ताणणो पत्तो . // 222 // अह सो ईसाणवती सहिओ बत्तीससुरवरिंदेहि / उत्तरसिलाओ पंच वि सहस्सपत्ताणणो पत्तो // 223 // तो तत्थ पवरकंचणमयम्मि सीहासणे निवेसित्ता। इंदा जिणिदचंदे उच्छंगेहिं धरेसी य / // 224 // छज्जंति सुरवरिंदा उच्छंगगए जिणे धरेमाणा। . अभिणवजाए कंचणदुमे व्व पवर(?रे) धरेमाणा // 225 // अह अच्चुयकप्पवती चुयकलिकलुसाण जिणवरिंदाणं / अभिसेयं काउमणो अभिओगे सुरवरे भणइ // 226 // "तित्थसरिया-महादह-चउउदहिजलं च दिव्वकुसुमं च / आणेह इहं सिग्धं जं चऽण्णं इट्ठमभिसेए" // 227 //
