________________ एवं नव तित्थयरा चंदाणणमाइ नवसु खेत्तेसु / चइऊण विमाणवरा उत्तरसाढाहिं नक्खत्ते // 96 // कुलगरवंसपसूया आसी इक्खागवंससंभूया / नव कुलगर नाभिसमा पवरा तेसिं नरगणाणं // 97 // उत्तमरूवसरूवा तेसिं भज्जाओ कुलगराणं तु / तासि उदरुप्पना नवसु वि वासेसु तित्थयरा // 98 // एवं दस भवणीसा दससु वि वासेसु हुंति समकालं / उत्तमरूवसुरूवा तिनाणसहिया महाभागा // 99 // मरुदेवीपमुहाओ वियसियकमलाणणाओ रयणीए / पेच्छंति सुहपसुत्ता चोद्दस पवरे महासुमिणे // 100 // संखिदु-कुंदगोरं विउलंखं(? लक्खं), सुतिक्खसिंगग्गं / नियनियवयणमभिगयं वसभं पेच्छंति विलसंतं // 101 // बिइयं पि(? वि)भिण्णकरडं सत्तंगपइट्ठियं धवलदंतं / . ऊसियकरं गइंदं सुरिंदनागप्पभं पुरओ // 102 // विक्खिन्नकेसरसह(ड) महुगुलियक्खं सुजायनंगूलं / हरिणविवक्खं सक्खं सुतिक्खनक्खं तओ सीहं // 103 // चउहिं चउदंतेहिं नागवरिंदेहिं धवलदंतेहिं।। सिरिअभिसेयं पेच्छंति जिणवराणं तु जणणीओ . // 104 // नाणारयणविचित्तं वियसियकमलुप्पलं सुरभिगंधि / छप्पयगणोवंवेयं दामं पेच्छंति सुसिलिटुं: // 105 // उदयगिरिमत्थयत्थं रस्सिसहस्सेहि समणुगम्मतं / पेच्छंति सुहपसुत्ता कुमुदागरबोहगं चंदं // 106 // एवं वियसियवयणा रविमंडलमुज्जलं पगासितं / पेच्छंति अंबरगयं अब्भासत्थं ठियं पुरओ // 107 // .. . 65
