________________ // 48 // दीवसीहा जोइसनामगा य एते करिति उज्जोयं 45 // चित्तंगेसु य मल्लं 6 चित्तरसा भोयणट्ठाए 7 मणियंगेसु य भूसंणवराई 8 भवणाई भवणरूवेसु 9 / आइण्णेसु य धणियं वत्थाई बहुप्पगाराई 10 // 49 // एतेसु य अन्नेसु य नर-नारिगणाण ताण उवभोगो / देवकुराइसु नियओ, भरहाइ असासओ होइ // 50 // ते किंचि सावसेसम्मि आउए मिहुणगाइं पसवित्ता / कालगया य सुहेणं अइरा य सुरालयमुवेंति // 51 // मउया सदारनिरया उज्जुसहावा अकोहण मलुद्धा / तव-संजमेण वि विणा लहंति एयाई ठाणाई // 52 // तव-संजम-नियमेण उ मुच्चइ सव्वेसि चेव दुक्खस्स / अमरवरेसु य पावइ विसिट्ठतरयं विसयसोक्खं // 53 // सुसमसुसमा य एसा समासओ वनिया मणूसाणं / उवभोगविहिसमग्गा सुसमा एत्तो परं वोच्छं // 54 // हरिवरिसाई खेत्ता दस भरहादी य तत्तिया चेव / आसि समासुसमाए बीए अरगम्मि निद्दिट्ठा // 55 // मणिगण 1 दीवसिहा 2 वियतुडियंगा 3 भिंग 4 तहय कोवीणा 5 / उरुस (? सु) ह 6 आमोय 7 पमोया 8 चित्तरसा 9 कप्परुक्खा 10 य वत्थाई मणिगणेसुं 1 दीवसिहा पुण करेंति उज्जोयं 2 / तुडियंगेसु य गेज्जं 3 भिगेसु य भायणविहीओ 4 // 57 // कोवीणे आभरणं 5 उरूसुह भोग-वण्णगविहीओ 6 / आमोएसु य मज्जं 7 मल्लविहीओ पमोएसु 8. // 58 // चित्तरसेसु य इट्ठा नाणाविहभक्ख-भोयणविहीओ 9 / पेच्छामंडवसरिसा बोधव्वा कप्परुक्खा 10 य // 59 // 11
