________________ पउमुप्पलनीसासा निरुयतणू निब्भया निरुवलेवा। चम्मवलि-पलियरहिया एतेसु नरा तया सुहिया // 36 // गंभीर-निद्धघोसा साणुक्कोसा अमच्छरसहावा। अणुलोमवाउवेगा अपरिमियपरक्कमबलोघा // 37 // कस्सइ अणाभिओगा अहमिंदा वज्जरिसभसंघयणा / माणुम्माणुववेया पसत्थसव्वंगसंघयणा // 38 // ते नरगणा सुरूवा सुभगा सुहभागिणो सुरभिगंधा / मिगरायसरिसविक्कम वरवारणमत्तसरिसगई // 39 // पगईपयणुकसाया अप्पिच्छा अणिहिसंचय अचंडा। बत्तीसलक्खणधरा पुढवी-पुप्फ-प्फलाहारा // 40 // पुढविरसो य सुसाओ मच्छंडिय-खंडसक्करसमाणो। पुफपगरुत्तरसतरा-अणुवम[? य]रसाओ सादुतमो ... // 41 // पुप्फ-फलाणं च रसं अमयरसइट्ठ(? रसिट्ठ)तरगं जिणा बिति / संवच्छरपरिसज्जियनवनिहिपइभोयणधरा उ. // 42 // भरहाइ दस वि खेत्ता देवकुराई वि तत्तिया चेव / एते वीसं खेत्ता वियाण पढमिल्लुए अरए // 43 // आउ-सरीरूसेहो सागरकोडीओ जाव चत्तारि / पलिओवमाइं तिण्णि उ, तिण्णि य कोसा समाभणिया // 44 // एतेसु य खेत्तेसुं तेसिं मणुयाण पुव्वसुकएणं / दसविहदुमा उ तइया उवभोगसुहा उवणमंति // 45 // मत्तंगया१यभिंगा 2 तुडियंगा३ दिव्व (?दीव) 4 जोइ५-चित्तंगा६। चित्तरसा 7 मणियंगा 8 गेहागारा 9 अणियणा 10 य // 46 // मत्तंगएसु मज्जं सुहवेज्जं 1 भायणाई भिंगेसु 2 / तुडियंगेसु य संगयतुडियाई बहुप्पगाराई // 47 // SO
