________________ समतिच्छितेसु वासेसु कोइ पुच्छेज्ज जम्मणक्खत्तं / जातस्स वरिससंखं पव्वाणि तिधि च थावेज्जो // 391 // छेतूण वरिससंखं पंचसु सेसाणि कुणसु पव्वाणि / तत्तो य वट्टमाणं सोहेज्जो पव्व-तिधिरासी // 392 // अवसेसं सोहिंतो संपतकालमिव आणये सव्वं / / जं जं इच्छसि किंची अणागतं वा वि खेवेणं // 393 // पव्वे पण्णरसगुणे तिधिसहिते पोरिसीय आणयणे / छलसीतसतविभत्ते जं लद्धं तं वियाणाहि // 394 // जति होति विसमलद्धं दक्खिणमयणं हवेज्ज णायव्वं / . अध हवइ समं लद्धं नायव्वं उत्तरं अयणं // 395 // अयणगते तिधिरासी चउग्गुणे पव्वपायभजितम्मि / जं लद्धमंगुलाणि तु खय-वड्डी पोरिसीयं तु // 396 // दक्खिणवड्डी दुपदाउ अंगुलाणं तु होति कातव्वा / उत्तरअयणे हाणी कायव्वा चउहिं पादाहिं . // 397 // सावणबहुलपडिवए दुपदा पुण पोरिसी धुवा होति / चत्तारि अगुंलाई मासेण तु वड्डते तत्तो // 398 // एगत्तीसतिभागा तिहीए पुण अंगुलस्स चत्तारि / दक्खिणअयणे वड्डी जाव तु चत्तारि वि पदाणि // 399 // उत्तरअयणे हाणी चाहिं पाएहिं जाव दो पाया / एवं तु पोरिसीए वड्डि-खया होति णायव्वा वड्डी वा हाणी वा जावतिया पोरिसीय दिट्ठा तु / . तत्तो दिवसगतेण तु जं लद्धं तं खु अयणगतं // 401 // एसो य चंदपव्वे करणविधी ओहिएण कायव्वो / कालन्नाणुद्देसो तस्स निसिद्धो (? तुज्झ मि सिट्ठो) जधुद्दिट्ठो // 402 / / 290 // 400 //
