________________ ततिया णवमी य तिधी पण्णरसी छट्टि बारसी चेव / . जुगपुव्वद्धे एता, ता चेव हवंति पच्छद्धे // 303 // रोहिणि वासव सादी अदिती अहिवुड्डि मित्त पिउदेवा / आसिणि वीसंदेवा अज्जमणा इइ विसुवरिक्खा * // 304 // दक्खिणमयणे सूरो पंच पि विसुवाणि वासुदेवेण / / जो होति उत्तरेण वि आदिच्चो आसदेवेण // 305 // दक्खिणअयणे लग्गं पंचसु विसुवेहि होति अस्से य / उत्तरअयणे लग्गं साती विसुवेसु. पंचसु वि // 306 // दक्खिणमयणे विसुवेसु णहे अभिजी रसातले पूसो / उत्तरअयणे अभिजी रसातले णभतले पूसो // 307 // मंडलमज्झत्थमितो अचक्खुविसयं गतम्मि सूरम्मि / मत्ताकालो कालो विसुवस्सेव तं हि कालं हि (?) // 308 // अयाणाणं संवेधे रवि-सोमाणं तु बेहित जुगम्मि / जं हवति भागलद्धं वतिपाता तत्तिया होति // 309 // बावत्तरीपमाणं फलरासी इच्छिते तु जुगभेदे / इच्छितवतिपातं पि य इच्छं कातूण आणेहि // 310 // जं हवति भागलद्धं तं इच्छं णिदिसाहि सव्वत्थ / सेसे वि तस्स भेदे फलरासिस्साऽऽणए सिग्धं // 311 // अट्ठसु सतेसु सूरो, चंदो अट्ठसु सतेसु असितेसु / तारा उवरि हेट्ठा समा य चंदस्स णातव्वा // 312 // छ च्चेव तु दसभागे जंबुद्दीवस्स दो वि दिवसकर / तावेंति दित्तलेस्सा अब्भंतरमंडले संता // 313 // चत्तारि य दसभागे जंबुद्दीवस्स दो वि दिवसयरा / तावेंति मंदलेस्सा बाहिरए मंडले संता . // 314 // 282
