________________ चंदउडुस्साऽऽणयणे पव्वं पण्णरससंगुणं णियमा / तिधिसंखित्तं संतं बावट्ठीभागपरिहीणं // 291 // चोत्तीससयाभिहतं पंचुत्तरतिसयसंजुतं विभये / छ(? छा)हि तु दसुत्तरेहि य सतेहि लद्धा उडू होंति // 292 // सेसाणं अंसाणं चोत्तीसेणं सतेण हातव्वो / जं लद्धं ते दिवसा चंदस्स उडूपवण्णस्स // 293 // रविधुवरासी पुव्वं व गुणिते भजिते सगेण छेदेणं / जं लद्धं सो दिवसो सोमस्स उडूसमत्तीए // 294 // सो च्चेव धुवो रासी गुणरासी वि य हवंति ते च्चेव / णक्खत्तसोधणाणि वि परिजाणसु पुव्वभणियाणि // 295 // आसोय-कत्तियाणं मज्झे वइसाह-चेत्तमज्झे य / . एत्थ सममहोरत्तं, तं विसुवं अयणमज्झे उ // 296 // पण्णरसमुहुत्तदिणो, दिवसेण समा य जा हवति राती / . सो होति विसुवकालो दिण-रातीणं तुं संधिम्मि // 297 // इच्छितविसुवा बिगुणा रूवूणा छग्गुणा भवे पव्वा / पव्वद्धा होति तिधी णातव्वा सव्वपव्वेसु // 298 // रूवूण विसुव गुणिते छलसीतिसते खिवाहि तेणउति / पण्णरभाजितलद्धा पव्वा, सेसा तिधी होति // 299 // इगतीसा ओजगुणा पंचहि भजितव्व तिगुण अंसा उ / तिहिओ भवंति सव्वेसु चेव विसुवेसु णातव्वा // 300 // पव्वा य छडादिका दुवालसाधिक दसावसाणा तु / तिगमादिगा वि य तिधी छडुत्तरा सव्वविसुवेसु // 301 // छक्कऽट्ठारस तीसा तेताला पंचवण्ण अट्ठट्ठी / तध य असीति बिणउति पंचधियसयं च सत्तरसं // 302 // - 281
