________________ अविणीयस्स पणस्सइ, जइ वि न नस्सइ नं नज्जइ गुणेहिं / विज्जा सुसिक्खिया वि हु गुरुपरिभवबुद्धिदोसेणं // 7 // विज्जा मणुसरियव्वा न दुव्विणीयस्स होइ दायव्वा / परिभवइ दुव्विणीओ तं विज्जं, तं च आयरियं / // 8 // विज्जं परिभवमाणो आयरियाणं गुणेऽपयासिंतो। . रिसिघायगाण लोयं वच्चइ मिच्छत्तसंजुतो विज्जा वि होइ विलिया गहिया पुरिसेणऽभागधेज्जेण / . सुकुलकुलबालिया विव असस्सिपुरिसं पई पत्ता // 10 // सिक्खाहि ताव विणयं, किं ते विज्जाइ दुव्विणीयस्स / दुस्सिक्खिओ हु विणओ, सुलभा विज्जा विणीयस्स // 11 // विज्जं सिक्खह, विज्जं गुणेह, गहियं च मा पमाएह / गहिय-गुणिया हु विज्जा परलोयसुहावहा होइ ... // 12 // विणएण सिक्खियाणं विज्जाणं परिसमत्तसुत्ताणं / सक्का फलमणुभुत्तुं गुरुजणतुट्ठोवइट्ठाणं // 13 // दुल्लहया आयरिया विज्जाणं दायगा समत्ताणं / ववगयचउक्कसाया दुलहया सिक्खगा सीसा // 14 // पव्वइयस्स गिहिस्स व विणयं चेव कुसला पसंसंति / न हु पावइ अविणीओ कित्तिं च जसं च लोगम्मि // 15 // जाणंता वि य विणयं केई कम्माणुभावदोसेणं / नेच्छंति पउंजित्ता अभिभूया राग-दोसेहिं // 13 // अभणंतस्स वि कस्स वि पइरइ कित्ती जसो य लोगम्मि / पुरिसस्स महिलियाए विणीयविणयस्स दंतस्स . // 17 // देंति फलं विज्जाओ पुरिसाणं भागधेज्जपरियाणं / न हु भागधेज्जपरिवज्जियस्स विज्जा फलं देति // 18 // - 20
