________________ विज्जं परिभवमाणो आयरियाणं गुणेऽपयासितो। . रिसिघायगाण लोयं वच्चइ मिच्छत्तसंजुत्तो // 99 // न हु सुलहा आयरिया विज्जाणं दायगा समत्ताणं / उज्जुय अपरितंता न हु सुलहा सिक्खगा सीसा // 20 // विणयस्स गुणविसेसा एए मए वण्णिया समासेणं / आयरियाणं च गुणे एगमणा मे निसामेह // 21 // वोच्छं आयरियगुणे अणेगगुणसयसहस्सधारीणं / ववहारदेसगाणं सुयरयणसुसत्थवाहाणं // 22 // पुढवी विव सव्वसहं 1 मेरु व्व अकंपिरं 2 ठियं धम्मे 3 / / चंदं सोमलेसं 4 तं आयरियं पसंसंति // 23 // अपरिस्साविं 5 आलोयणारिहं 6 हेउ-कारणविहन्तुं 7-8 / गंभीरं 9 दुद्धरिसं 10 तं आयरियं पसंसंति // 28 // कालन्नू 11 देसनू 12 समयन्नू 13 अतुरियं 18 असंमंतं 15 / अणुवत्तयं 13 अमायं 17 तं आयरियं पसंसंति. // 25 // लोइय-वेइय-सामाइएसु सत्थेसु जस्स वक्खेवो 18-19-20 / ससमय-परसमयविऊ 21-22 तं आयरियं पसंसंति // 26 // बारसहि वि अंगेहिं सामाइयमाइपुव्वनिब्बद्धे / लद्धटुं गहियटुं 23-24 तं आयरियं पसंसंति . // 27 // आयरियसहस्साइं लहइ य जीवो भवेहिं बहुएहिं / कम्मेसु य सिप्पेसु य अनेसु य धम्मचरणेसु . // 28 // जे पुण जिणोवइढे निग्गंथे पवयणम्मि आयरिया / संसार-मोक्खमग्गस्स देसगा तेऽत्थ आयरिया 25-23 // 29 // जह दीवा दीवसयं पइप्पए सो य दिप्पए दीवो / दीवसमा आयरिया दिप्पंति, परं च दीवेंति 21
