________________ जीवो भवे भमंतो चउतणुमणवयणपाणरूवेण। परिणमिय मुयइ सयलाणु जेण कालेण सो एसो // 108 // कालो भणिओ एवं भावविभत्तीए अवसरो इण्डिं। जीवाजीवगयत्ता भावा य भवंति दुविगप्पा .. // 109 // ओदइय 1 ओवसमिया२.खाइय३ खाओवसमिय४ परिणामा 5 / तह चेव सन्निवाइय 6 एवं जीवाण छब्भावा // 110 // पढमे इगवीसविहे चउगय(इ)ओ४ चउकसाय८ वेयतियं 11 / छल्लेसा 17 अन्नाणं 18 मिच्छत्तं 19 अविरइ२०असिद्धी२१ // 111 // दुइए दुविहे सम्मत्त 1 चरण 2 तइए उ नवविहे सम्म 1 / वरनाण 2 दंसण 3 चरित्त 4 पंच दाणाइलद्धीओ 8 // 112 // चउनाण 4 तिअन्नाणा७ तिदंसणा 10 सम्म 11 पंच दाणाई 16 / विरई 17 विरयाविरई 18 तुरिए अट्ठारसविहम्मि .. // 113 // जीवत्त १मभव्वत्तं 2 भव्वत्तं 3 पारिणामिए तिविहे। एसिं दुगाइजोगा भंगा छट्ठम्मि छव्वीसं .. // 114 // तत्थेगो दुगजोगो तिगजोगा दुन्नि दुन्नि चउजोगा। एगो पणजोगो इय छस्संभविणो न उण वीसं // 115 // खाइयपरिणामियभावसंभवो निव्वुयाण दुगजोगो 1 / ओदइयखइयपरिणामजणियतिगजोग केवलिणं 2 // 116 // ओदइयखओवसमियपरिणामभवो भवीण तिगजोगो 3 / सोवसमिएहिं तेहिं 4 अहव सखइएहिं चउजोगा 5 // 117 // एए वि दो भवीणं पंचगजोगो उ होइ मणुयाणं। . काऊण सत्तगखयं उवसमसेढीपवन्नाणं 6 // 118 // ओदइआ मणुयगई उवसमिया विरइ खाइयं सम्मं / खाओवसमियमिदियमिहई(इं)परिणामि जीवत्तं // 119 // 242
