________________ नक्खत्तमास चंदो रिऊ य सूरोऽभिवडिओ चेव / भन्नति पंच मासा एवं विन्नायसमएहिं // 96 // सयलउडुभोगकालो ससिणों नक्खत्त तीसतिहि चंदो / लोयपसिद्धो य रिऊ रविमासो एगसंकंती // 97 // जंमि वरिसम्मि तेरस ससिणो मासा हवंति सो वरिसो। बारसभाए किज्जइ अभिवड्डियमास सो भागो // 98 // सत्तावीसं दिवसा तिसत्त सत्तट्ठिभाय नक्खत्ते / चंदो उ अउणतीसं बिसट्ठिभागा य बत्तीसं // 99 // रिउमासो तीस दिणा आइच्चो तीस होइ अद्धं च / अभिवड्डियमासो पुण चउवीससएण छेएण // 100 // भागाणिगवीससयं तीसा एगाहिया दिणाणं च / एएसि निप्फत्ती नेया गंथंतराउ त्ति // 101 // एए पंच वि मासा जया य बारसहिं संगुणिज्जंति। . इंति तया वरिसाइं तन्नामाई पुढो पंच . // 102 // चंदे चंदे अभिवड्डिए य चंदेऽभिवड्डिए चेव। इय पंच वच्छर जुगं तीसट्ठारससयदिणेहिं // 103 // उस्सेहंगुलजणियं जोयणमुव्विद्धवित्थडो कूओ। एगाहियाइसप्ताहियाण वालाण सुहमाणं // 104 // सम्मटुं सन्निचियं असंखखंडीकयाण भरियव्वो।.. वाससए वाससए हिज्जइ वालग्गमेक्केकं : // 105 // कालेण जत्तिएणं रित्तो सो होइ पल्लसमकूओ। तं पलियमेत्थ तेसिं दसकोडाकोडिओ अयरं // 106 // ओसप्पिणी य उस्सप्पिणी य पुव्वुत्तकालमाणाओ। पोग्गलपरियट्टो पुण ताहि अणंताहिं निम्माओ // 107 // . . . . 241 / /
