________________ नाणारयणविचित्ता, अणोवमा धंतरूवसंकासा / एए अट्ठ वि कूडा, रुयगस्स हवंति दक्खिणओ अमोहे 1 सुप्पबुद्धे 2 य, हिमवं 3 मंदिरे 4 इय। रुयगे 5 रुयगुत्तरे 6 चंदे 7, अट्ठमे 8 य सुदंसणे // 121 // नाणारयणविचित्ता, अणोवमा धंतरूवसंकासा। एए अट्ठ वि कूडा, रुयगस्स वि होति पच्छिमओ // 122 // विजये य 1 वेजयंते 2, जयंत 3 अपराजिए 4 य बोधव्वे। कुंडल 5 रुयगे 6 रयणुच्चए 7 य तह सव्वरयणे 8 य // 123 // नाणारयणविचित्ता, उज्जोवंता हुयासणसिहाव। एए अट्ठ वि कूडा, रुयगस्स हवंति उत्तरओ // 124 // पलिओवमट्टिईया, एएसुं खलु हवंति कूडेसुं। पुव्वेण आणुपुव्वी, दिसाकुमारीण ते होंति . // 125 // नंदुत्तरा य नंदा, आणंदा तह य नंदिसेणा य। विजया य वेजयंती, जयंती अवराइथा चेव // 126 // एया पुरत्थिमेणं, रुयगम्मि उ अठ्ठ होंति देवीओ। पुव्वेण जे उ कूडा, अट्ठवि रुयगे तर्हि एया // 127 // लच्छिमई सेसमई, चित्तगुत्ता वसुंधरा चेव। समाहारा सुप्पदिन्ना य, सुप्पबुद्धा जसोहरा // 128 // एया य दक्खिणेणं, हवंति अट्ठवि दिसाकुमारीओ। जे दक्खिणेण कूडा, अट्ठवि रुयगे तहिं एया // 129 // इलादेवी सुरादेवी, पुहवी पउमावई य विण्णेया। एगणासा णवमिया, सीया भद्दा य अट्ठमिआ // 130 // एया उ पच्छिमदिसा, समासिया अट्ठ वि दिसिकुमारीओ। अवरेण जे य कूडा, अट्ठ वि रुयगे तहिं एया // 131 // 11
