________________ सक्कस्स देवरत्नो, तायत्तीसाण अग्गमहिसीणं / तासिं खलु पत्तेयं, चउरा य रायहाणीओ // 108 // जनामा से देवी, तंनामा तासि रायहाणीओ। ईसाणदेवस्नो, तायत्तीसाण उत्तरओ .. // 109 // बावन्नं बायाला, छलसाई दस जोयणसहस्सा। गोतित्थेण विरहियं, खित्तं खलु कुंडलसमुद्दे // 110 // दस कोडिसहस्साइं, चत्तारि सयाइं पंचसीयाई। छावत्तरिं च लक्खा, विक्खंभो रुयगदीवस्स // 111 // रुयगवरस्स उ मज्झे, णगुत्तमो होइ पव्वओ रुयगो। पागारसरिसरूवो, रुयगदीवं विभयमाणो // 112 // रुयगस्स उ उस्सेहो, चउरासीई भवे सहस्साइं। . एगं चेव सहस्सं, धरणियलमहे समोगाढो // 113 / / दस चेव सहस्सा खलु, बावीसं जोयणाई बोधव्वा / सिहरितले विक्खंभो, रुयगस्स उ पव्वयस्स भवे // 114 // सिहरितलम्मि उ रुयगस्स, चउ चउ होंति कूडा चउद्दिसिं तत्थ / पुव्वाइ आणुपुव्वी, तेसिं नामाई कित्तीहं // 115 // पुव्वेण अट्ठ कूडा, दक्खिणओ अट्ठ अट्ठ अवरेणं / उत्तरओ अट्ठ भवे, चउद्दिसि होति रुयगस्स . // 116 // कणगे 1 कंचणगे 2 तवणे 3 दिसा सोवत्थिए 4 अरिढे 5 य / चंदण 6 अंजणमूले 7, वइरे 8 पुण अट्ठमे भणिए // 117 // नाणारयणविचित्ता, उज्जोवंता हुयासणसिहाव। . एए अट्ठ वि कूडा, हवंति पुव्वेण रुयगस्स // 118 // फलिहे 1 रयणे 2 तवणे 3, पउमे 4 नलिणे 5 ससी 6 य नायव्वे / वेसमणे 7 वेरुलिए. 8, रुयगस्स हवंति दक्खिणओ // 119 //
