________________ ढंका कंका कुरला, चक्खागा वायसा तहा हंसा। कलहंसरायहंसा, सुगपमुहा लोमपक्खी अ // 132 // एगागारा हुँति अ ,समुग्गपक्खी अ विअयपक्खी अ। माणुसनगाओ बाहि, हवंति तेणं न दीसंति ... // 133 // पज्जत्तापज्जत्ता, जलयरतुल्लं तु होइ देहाई / अंगुलअसंखभागो, उक्किटुं धणुपुहत्तं च // 134 // बावत्तरि संवच्छर-सहसाणि अ एसिमाउ उक्किटुं। अंतमुहुत्त जहन्नं, संगहणीगाहढुगमेअं // 135 // जोअणसहस्स गाउअ-पहुत्त जोयणसयप्पहत्तं च। ... धणुहपहुत्तं मुच्छिम-जलथलुरगभुअगपक्खीणं // 136 // संमुच्छ पुव्वकोडी, चउरासीई भवे सहस्साई। तेवन्ना बायाला, बावत्तरिमेव पक्खीणं // 137 // गब्भयतिरिआ जलयर-थलयर खयरा तिहा विणिद्दिट्ठा / मच्छाइ पंचरूवा, तहेव जलचारिणो नेआ // 138 // संमुच्छिम व्व देहाइ-दारचिंता तहा विसेसो अ। चत्तारि सरीराणि अ, विउव्विअस्सादिभावाओ // 139 // ओगाहणापमाणं, उक्किट्ठे होइ जोअणसहस्सं। संघयणा संठाणा, सव्वे वि हवंति एएसिं // 140 // छच्च वि लेसा तेसि, सुक्कल्लेसा वि होइ केसि पि। वेउव्वितेएण सहिआ, पंच य तेसिं समुग्घाया // 141 // सन्नी वेआ तिन्नि वि, पंच य पज्जत्ति पंच अपज्जत्ती / भासामणपज्जत्ती, एगत्तं तेण नो छक्कं // 142 // सम्मा सम्मामिच्छा, मिच्छादिट्ठी अदंसंणतिगं च। चक्खु अचक्खू ओही, मइ सुअ ओही अ नाणतिगं // 143 // 106
