________________ सव्वट्ठविमाणाओ सव्वुवरिल्लाओ थूभिय[ऽग्गाओ] / बारसहिं जोयणेहिं ईसीपब्भारपुढवी उ . // 1227 // निम्मलदगरयवन्ना तुसार-गोखीर-हारसरिवन्ना। भणिया उ जिणवरेहिं उत्ताणगछत्तसंठाणा // 1228 // ईसीपब्भाराए सीयाए जोयणम्मि लोगंतो। बारसहिं जोयणेहिं सिद्धी सव्वट्ठसिद्धाओ // 1229 // पणयालीसं आवाम-वित्थडा होइ सतसहस्साई। . तं पि तिगुणं विसेसं परीरओ होइ बोधव्वो // 1230 // एगा जोयणकोडी बायालीसं च सयसहस्साई। ... तीसं च सहस्साइं दो य सया अउणवीसा(णपण्णा) उ // 1231 // खेत्तसमयवित्थिना अट्ठेव य जोयणाई बाहल्लं। परिहायइ चरिमंते मच्छियपत्ताओ तणुययरी // 1232 // गंतूण जोयणं जोयणं तु परिहाइ अंगुलपहु(? पुह)त्तं / संखतलसन्निगासा पेरंता होति पतणू सा // 1233 // अज्जुणसुवनगमयी नामेण सुदंसणा पभा सा य / संखतलसन्निगासा छत्तागारा य सा पुढवी // 1234 // ईसीपब्माराए उवरिं खलु जोयणस्स जो कोसो। कोसस्स य छब्भाए सिद्धाणोगाहणा भणिया // 1235 // कहिं पडिहया सिद्धा? कहिं सिद्धा पइट्ठिया? / कहिं बोंदी चइत्ताणं कत्थ गंतूण सिज्झई ? // 1236 // अलोए पडिहया सिद्धा, लोयग्गे य पइट्ठिया। . इहं बोंदी चइत्ताणं तत्थ गंतूण सिज्झई // 1237 // दीहं वा हस्सं वा जं संठाणं तु आसि पुव्वंभवे। . तत्तो तिभागहीणा सिद्धाणोगाहणा भणिया // 1238 // 10
