________________ पुरवरवरफलिहभुया घणथिरसुसिलिट्ठपव्वसंधीया। वरपीवरंगुलितला चउरंगुलिसरिसवग्गीवा . // 1179 // सुविभत्तवित्तमंसू पसत्थसद्दूलविपुलवरहणुया। ... बिबोट्ठ धवलदंता गोखीरसरिच्छदसणाभा . // 1180 // तवणिज्जरत्तजीहा गरुलाऽऽययउज्जुतुंगनासा य / वरपुंडरीयनयणा आणामियचाववरभुमया // 1181 // अल्लीणजुत्तसवणा पीणसुमंसलपसत्थसुकवोला / पंचमिचंदनिडाला उडुवइपडिपुण्णवरवयणा // 1182 // छत्तुत्तमंगसोहा घणनिचियसुबद्धलक्खणोकिण्णा / कूडागारसुसंठितपयाहिणावत्तवरसिरजा // 1183 // लक्खणगुणोववेया माणुम्माणपडिपुण्णसव्वंगा। पासाय दरिसणिज्जा अभिरूवा चेव ते मणुया -- // 1984 // सुपइट्ठियचलणाओ निच्चं पीणुन्नएहिं थणएहि / ससिसोमदंसणाओ ताणं मणुयाण महिलाओ // 1185 // एव परिवड्डमाणे लोए चंदे व्व धवलपक्खम्मि सुसमसुसमाय तइया तिरियाण वि सव्वसोक्खाई // 1186 // सम्मं वासति मेहो, होंति य सुरसाइं ओसहिवलाई। ओसहिबलेण आऊ वड्डइ मणुयाण तिरियाणं // 1187 // उस्सप्पिणीइमीसे छट्ठो अरगो उ वनिओ एसो। . रायगिहे गुणसिलए गोयममादीण समणाणं // 1188 // ओसप्पिणि छब्भेया एवं उस्सप्पिणी वि छब्भेया। . एवं बारस अरगा निट्ठिा वद्धमाणेणं // 1189 // एयं तित्थोगालि जिणवरवीरेण भासियमुदौर। . रायगिहे गुणसिलए परमरहस्सं सुयमणग्धं // 1190 // 156
