________________ जह जह वड्डति कालो तह तह वटुंति आउ-दीहादी। उवभोगा य नराणं तिरियाणं चेव रुक्खेसु // 1167 // दोगाउयमुव्विद्धा ते पुरिसा ता य होंति महिलाओ। दोन्नि पलिओवमाइं परमाउं तेसि बोधव्वं // 1168 // एसा उवभोगविही समासतो होइ पंचमे अरगे। कोडाकोडी तिन्नि उ, छटुं अरगं तु वोच्छामि // 1169 // सुसमसुसमाए कालो चत्तारि हवंति कोडिकोडीओ। इय सागरोवमाणं कालपमाणेण नायव्वा // 1170 // जह जह वड्डति कालो तह तह वटुंति आउ-दीहादी // उवभोगा य नराणं तिरियाणं चेव रुक्खेसु // 1171 // सुसमसुसमामणूसा तिनेव य गाउयाई उच्चत्तं / तिन्नि पलिओवमाई परमाउं तेसि होइ बोधव्वं // 1172 // नयण-मणकंतरूवा भोगुत्तमसव्वलक्खणधरा य। . सव्वंगसुंदरंगा रत्तुप्पलपत्तकर-चरणा . // 1173 // नग-नगर-मगर-सागर-चक्कंकुस-वज्ज-पव्ववरजुत्ता / सुपइट्ठियवरचलणा उन्नयतणु तंबनक्खा य // 1174 // सुसिलिट्ठगूढगुज्झा एणीकुरविंदवत्तवरजंघा। सामुग्गगूढजाणू गयससणसुजायसरिसोरू // 1175 // वरवारणमत्तगती सुजायवरतुरयगुज्झदेसा य। . . वरसीहवट्टितकडी वइरोवमदेसमज्झा यः // 1176 // गंगावत्तपयाहिणरविकिरणविबुद्धकमलसमनाभी / रमणिज्जरोमराती झस-विहगसुजातकुच्छीया // 1177 // संगतपासा सण्णयपासा सुंदरसुजायपासा वि। बत्तीसलक्खणधरा उवचितवित्थिण्णवरवत्था // 1178 // 155
