________________ चंदप्पभा य सीता उवणीया जम्म-मरणमुक्कस्स / आसत्तमल्लदामा जलय-थलय-दिव्वकुसुमेहिं // 1072 // पण्णासइमायामा धणूणि वीसा यं पण्णवीसा य। छत्तीसइमुव्विद्धा सीता चंदप्पभा भणिया // 1073 // सीयाए मज्झयारे दिव्वं मणि-रयण-कणगचेंचइयं / सीहासणं महरिहं सपायपीढं जिणवरस्स // 1074 // आलइयमालमउडो भासरबोंदी पलंबवणमालो। सियवत्थसन्नियच्छो जस्स य मोल्लं सयसहस्सं // 1075 // छद्रेणं भत्तेणं अज्झवसाणेण सोहणेण जिणो। लेसाहिं विसुझंतो आरुभती उत्तमं सीयं // 1076 // सीहासणे निसन्नो सक्कीसाणेहिं दोहि पासेहिं / वीयंति(? तो) चामरेहि मणि-कणगविचित्तदंडेहि // 1077 // पुदि उक्खित्ता माणुसेहि सा हट्ठरोमकूवेहिं / पच्छा वहति सीयं असुरिंद-सुरिंद-नागिदा पति-नागिंदा ... // 1078 // चलचवलकुंडलधरा सच्छंदविउव्वियाऽऽभरणघारी / देविंद-दाणविंदा वहंति सीयं जिणवरस्स // 1079 // वणसंडो व्व कुसुमिओ, पउमसरो वा जहा सरयकाले। सोभइ कुसुमभरेणं इय गयणयलं सुरगणेहिं // 1080 // सिद्धत्थवणं व जहा असणवणं सणवणं असोगवणं / चूतवणं व कुसुमितं इथ गयणयलं सुरगणेहिं कुसुमित इथ गयणयल सुरगणेहि // 1081 // अयसिवणं व कुसुमियं कणियारवणं व चंपयवणं व / तिलगवणं व कुसुमियं इय गयणयलं सुरगणेहिं // 1082 // वरपडह-भेरि-झल्लरि-दुंदुहि-संख[?य]सतेहिं तूरेहिं / धरणियले गयणयले तुरियनिनाओ परमरम्मो // 1083 // . 147
