________________ गय 1 उसभ 2 सीह 3 अभिसेय 4 दाम 5 ससि 6 दिणयरं 7 झयं 8 कुंभं 9 / पउमसर 10 सागर 11 भवणविमाण 12 रयणुच्चय 13 सिहि 14 च // 1026 // एते चोद्दस सुमिणे पासइ भद्दा सुहेण पासुत्ता। जं रयणि उववण्णो कुच्छिंसि महायसो परमो // 1027 // एरावते वि एवं सम्मुइरायस्स भारिया भद्दा / सयणिज्जे सुहसुत्ता चोद्दस सुमिणे य दच्छिहिति // 1028 // गय 1 उसभ 2 सीह 3 अभिसेय 4 दाम 5 ससि 6 दिणयरं 7 झयं 8 कुंभं 9 / पउमसर 10 सागर 11 भवणविमाण 12 रयणुच्चय 13 सिहिं 14 च // 1029 // एते चोद्दस सुमिणे पासइ भद्दा सुहेण पासुत्ता। जं रयणि उववण्णो कुच्छिं सिद्धत्थतित्थयरो . // 1030 // चउसु वि एरवएसुं एवं चउसु वि य भरहवासेसु / उववण्णा तित्थयरा हत्थुत्तरजोगजुत्तेणं / // 1031 // जो सो सेणियराया कालं काऊण कालमासम्मि / रयणप्पभाए तीसे उव्वट्टित्ता य इहइम्मि // 1032 // सीमंतगनरगाओ आउं परियाणि(? पालि)ऊण तो भंगवं / चउरासितिसहसाणं वासणं सो महापउमो // 1033 / / चेत्तस्स सुद्धतेरसिचंदे हत्थुत्तराए जोगेणं / सिद्धत्थ-महापउमा जाया दस एगसमएणं // 1034 // नाणारयणविचित्ता वसुधारा निवडिया कलकलंती। गंभीरमहुरसद्दो य दुंदुभी तालिओ गगणे // 1035 // 143.
