________________ वासंति अमयमेहा, चंदाऽऽइच्चा य सीय-उण्हसुहा। वासा दिसा य सोमा भूमी उदगं च महुराई - // 1002 // पुणरवि अभिक्खभिक्खं अमियरसरसोवमं महावासं / जेण इहं मणुयाणं होर्हिति न रोगसंघाया // 1003 // अह दूसमातोवीसे(?दूसमाइमीसे) सत्तण्हं कुलगराण उप्पत्ती / कायव्व आणुपुव्वी जहपरिवाडीए सव्वेसि // 1004 // पढमेत्थ विमलवाहण 1 सुदाम 2 संगम 3 सुपासनामे 4 य / दत्ते 5 मनहे 6 तसमं(?वसुमं)७इय [ते] सत्तेव निद्दिट्टा // 1005 // उस्सप्पिणीइमीसे बितियाए समाए गंग-सिंधूणं / एत्थ बहुमज्झदेसे उप्पण्णा कुलगरा सत्त // 1006 // एरावयम्मि सत्तेव कुलगरा विमलवाहणो पढमो 1 / / बीओ उ विउलवाहणो नयमग्गविसारदो धीरो 2 // 1007 // दढधणु 3 दसधणुगो 4 वि य तत्तो सयधणु 5 पडिस्सुई 6 चेव। सम्मति 7 सत्तमगो वि य गाम-नमर-पट्टणाइगरा . // 1008 // उस्सप्पिणीइमीसे बीतिसमाए य उत्तरंतीए। एत्थ बहुमज्झदेसे उप्पण्णा कुलगरा सत्त // 1009 // चउसु वि एरवएसुं एवं चउसु वि य भरहवासेसु / एककम्मि उ खेते होहिंति उ कुलगरा सत्त // 1010 // गाम-नगराऽऽगराणं गोउल-संवाह-सन्निवेसाणं) कुलनीति-रायनीतीण कारगा कुलगरा तइया // 1011 // आसा हत्थी गावो गहियाई रज्जसंगहनिमित्तं / ववहारो लेहवणं होही सामाइ एसि तु // 1012 // उग्गा भोगा राइण्ण खत्तिया संगहो भवे तइया / उप्पण्णे अगणिम्मि य रंधणमातीणि काहिति . // 1013 // .. . 141
