________________ कुणिमाहारा सव्वे निसाचरा बिलगता य दिवसम्मि। गंगादीहरमेत्ता (?) कार्हिति ततो थले मीणे // 966 // ................ / ................. मेत्तीरहिया उ होहिंति . .. // 967 // वीसतिवासा मणुया दुहत्थउच्चा य होंति अंतम्मि / पढमं सोलसवासा हत्थुच्चा चेव होर्हिति : // 968 // तियपक्खिवग्ण सीहा चउप्पया पंचइंदिया जे य। गय-गो-महिसि-खरोट्टं पसू या विविहो य पाणिगणो // 969 // आगमियाए उस्सप्पिणीए होहिंति बीयमेत्ताई। बावत्तरि जुयलाई नराण तत्तो पसवणाओ // 970 // होहिंती बिलवासी बावत्तरि ते बिला उ वेयड्डे। उभओ तडे नईणं नव नव एक्केक्कए कूले ... // 971 // सेसं तु बीयमेत्तं होही सव्वेसि जीवजातीणं / कुणिमाहारा सव्वे निसा(स्सा)ए संझकालस्स // 972 // रहपहमेत्तं तु जलं होही बहुमच्छ-कच्छभाइण्णं / तम्मि समए नदीणं गंगादीणं दसण्हं पि // 973 // विस-अग्गि-खारपाणियवरिसा मेघा य घोरवरिसा य / एक्कक्क सत्त राई होही भरहस्स अंतम्मि // 974 // चुन्नियसेलं संभिण्णसलिलगंभीरविसमभूमितलं / उदही जहा समतलं होही भरहं निरभिरामं // 975 // ओसप्पिणीइमीसे वीतिकंताए चरिमसमयम्मि। . तो आगमेसियाए उस्सप्पिणिए उ पट्ठवणा // 976 // ओसप्पिणीइमाए जो होही(? होहऽइ)दुस्समाए अणुभावो / सो चेव [य] अणुभावो उस्सप्पिणिपट्ठवणगम्मि // 977 // 138
