________________ नाण-किरियाहि मुक्खो जो साविक्खाहिं पवयणे भणिओ। अण्णोण्णाणुगयमिणं एगं वत्थु सणिच्छयओ . // 24 // जह दंसणेण न विणा नाणं, तह तं विणा न चारित्तं / ता इक्क च्चिय पत्ता दंसणआराहणा तेसिं // 25 // ता सव्वमुज्झिऊणं घित्तव्वं सुट्ठ दंसणं तेहिं / सिझंति चरणरहिया दंसणरहिया न सिझंति // 26 // तं पि न, जमचरणाणं सेणिय-सच्चइ-दसारसीहाणं / सुविसुद्धदंसणाणं अहरगई रइपसत्ताणं // 27 // ता णिच्छएण जुत्तं चरणं चिय, दंसणं पुण तयंगं / ववहारओ पुण इमा दुविहा तिविहा चउविहा वा // 28 // नाणस्स दंसणस्स य सारो चरणं भवे जहुद्दिटुं / चरणस्स तस्स सारो निव्वाणमणुत्तरं भणियं निव्वाणस्स य सारो अव्वाबाहं सुहं अणोवम्मं / सव्वस्स पवयणस्स उ सारो आराहणा तम्हा // 30 // सुचिरं पि निरइयारं विहरित्ता नाण-दसण-चरित्ते / मरणे विराहइत्ता अणंतसंसारिणो दिट्ठा // 31 // आसायणबहुलाणं विराहयाणं च नाण-चरणाणं / पोग्गलपरियट्टद्धं उक्कोसं अंतरं भणियं // 32 // दिट्ठा मिच्छदिट्ठी अणाइणो तक्खणेण सिद्धा य / आराहियमरणंता मरुदेवाई महासत्ता. // 33 // जइ.पवयणस्स साये मरणंताराहणा मुणिवराणं / कि दाणि सेसकाले जयंति तव-नाण-चरणेसु ? // 34 // जावज्जीवपइण्णा निव्वाणाराहणा जओ भणिया / पढमं च तीइ भंगे सा कत्तो तस्स मरणंते ? // 35 // . . . . 81
