________________ // 34 // अविवेअविडविकंदं चंदणरुक्ख व्व दप्पसप्पस्स / नीरंधमेहपडलं सन्नाणमयंकबिंबस्स // 32 // तारुनं पि हु तुहु मण ! उम्मायपरस्स निच्चकालं पि। सव्वाणत्थकए चिअ न धम्मगुणसाहगं पायं // 33 // एयं कयं इमं पुण करेमि काहं इमं च गिहकिच्चं / इय आउलस्स तुह हियय ! वासरा जंति अकयत्था एयं करेमि इण्डिं एयं काऊण पुण इमं कल्ले / काहं को मण ! चिंतइ सुमिणिअतुल्लम्मि जियलोए // 35 // कत्थ गयं होसि गयं ? मण ! काउं किं व होहिसि कयत्थं ? / थिरयाइ गच्छ कुणसु अ न गयस्संतो न य कयस्स // 36 // चिंतासंताणपरं जइ चिट्ठसि चित्तं ! निच्चका सम्मि। अच्चंतदुरुत्तारे ता रे निवडसि दुहसमुद्दे . // 37 / / हा हिअय ! किं न चिंतसि जमेसरियरूवचरणछक्किल्लो। वित्थारियपक्खदुगो तिलोअपउमस्स सारं च // 38 // पिबमाणो वि पइदिणं अतित्तिमं चेव अखलिअप्पसरो / सव्वजगज्जीवतुल्लो इह कीलइ कालभमरल्लो // 39 // पवसंतो सल्लं पिव पयईएवइदिणं पि पीडकरा / जे कामकोहपमुहा अभिंतरसत्तुणो तुज्झ // 40 // निच्चं देहगय च्चिय चित्त ! तदुच्छायणे न वंशाहिं। बज्झारिसुं पुण धावसि अहो महामोहमाहप्पं // 41 // बज्झारिसु मित्तत्तं करेसि सत्तुत्तणं सरीरीसु / जइ ता हे हियय ! तुमं अइरा साहसि सकज्जं पि // 42 // मुहमहुरकडुविवागेसु हिअय ! विसएसु मा कुणसु गिद्धि। विहिवसविजुज्जमाणां सुतिक्खदुक्खं इमे दिति // 43 // 281
