________________ खामेहि सव्वजीवे संसारत्थे तहेव सिद्धे य / मेत्तीभावमुवगओ पयच्छ मिच्छुक्कडं सोम्म ! // 52 // पुढवि-जल-जलण-मारुय-वणस्सईसुं गएण जे के वि। दुक्खाविया उ तुमए पयच्छ मिच्छुक्कडं तेसि // 53 // बेइंदिय-तेइंदिय-चरिदियकायमुवगएण तए / जे के वि दुहे ठविया खामसु सव्वे वि ते इण्डिं // 54 // जलयर-थलयर-खहयरगएण पंचिदिएसु विविहेसु / जे के वि हु दुक्खविया जीवा खमिहि ते सव्वे . // 55 // बहुनक्कचक्क-मच्छग-गोहिय-मयराइजलयरजिएसु / जे के वि दुम्मिया ते खामेहि समुट्ठिओ सव्वे // 56 // दुपय-चउप्पय-बहुपय-अपयाईथलयरेसु जीवेसु / जे के वि वेरभावे ठविया खामेहिं ते वि तुमं // 57 // अंडय-लोमय-चम्मय-सामुग्गय-क्यियपक्खिमाईसु / सव्वेसु खहयरेसुं खामसु जे दूमिया तुमए .. // 58 // कम्मा-ऽकम्मय-अंतरदीवयमणुएसु मज्झपत्तेण / मण-वाया-काएहिं जे दुम्मिया ते वि खामेहि . // 59 // भवणवइ-वाणमंतर-जोइस-वेमाणिएसु देवेसु / जेहिं कयं सह वेरं तुमए खामेहि ते सव्वे // 60 // रयणाईपुढवीसुं गएण नेरइयभावपत्तेणं / बहुसो विहियं वेरं तस्स वि मिच्छुक्कडं देहि इय चउगइपत्तेणं चउरासीजोणिलक्खगहणम्मि। . मिच्छाउक्कडमणहं देहि कयं जेहिं सह वेरं // 62 // उवसमभावम्मि ठिओ खित्तो जेणेह कूवमज्झम्मि / तं पि खमावेहि तुम एसो ते खामणाकालो // 63 // 24
