________________ एमेव सेसयाई वयाई गिव्हिज्ज सुहुमतरगाई। तेर्सि चिय अइयारे सव्वपयत्तेण वज्जिज्जा // 44 // आरोवियवयभारो संवेगपरो पउत्तवरविणओ। खामेज्ज सव्वसंघ सम्मं सामनजीवे य ... // 45 // साहू य साहुणीओ सवा सड्डी चउव्विहो संघो। आसाइओ मए जं तमहं,तिविहेण खामेमि / // 46 // संघो भवकंतारे सत्थाहो गुणमणीण पवरनिही / जं अवरद्धो मोहा तमहं सव्वं खमावेमि // 47 // सव्वस्स समणसंघस्स भगवओ अंजलि करिय सीसे / अवराहं खामेमि तस्स पसायाभिमुहचित्तो // 48 // आयरिय उवज्झाए सीसे साहम्मिए कुल गणे य। सव्वे खमावइत्ता तेर्सि पि अहं खमामि त्ति // 49 // सयणा व परजणा वा उवयारकरा व निरुवयारा वा / मित्ता व अमित्ता वा दिट्ठा वा जे व नो दिट्ठा .. // 50 // आभासिया व णाऽऽभासिया व संपरिचिया व इयरे वा। अणुवकया व उवकया मणुया व सुरा व तिरिया वा // 51 // एगिदिया व बेइंदिया व तेइंदिया व चउकरणा। पंचिंदिया व जलया व थलयरा वा खहयरा वा // 52 // मणसा वा वयसा वा कारण व इहभवे व इयरे वा। संघट्टिया व परियाविया व उद्दाविया वा वि // 53 // हसिया व तज्जिया वा निब्मच्छियया व दूमिया वसणे / कोहेण व माणेण व मायाए अहव लोभेण // 54 // हासेण वा भएण व सोएण व दुट्ठधम्मयाए वा। आलस्सेण व सहसागारेण व पत्थणाए वा // 55 // 216
