________________ // 7 // साहियं च भगवया सव्वण्णुणा मणिरहकुमारसाहुणो जहातुज्झ थोवं आउयं ति जाणिऊण जहासुहं संलेहणाकम्म पडिवज्जिऊण उत्तिमठाणाराहणं (? काउं) ति / तओ मणिरहकुमारेण वि 'इच्छं' ति अणुमण्णमाणेण समाढत्ता चउखंधा आराहणा काउं। कयसंलेहणाकम्मो दिण्णालोयणवित्थरो णिसण्णो तक्कालप्पाओग्गे फासुयसंथारए. 5 पणमामि तित्थनाहं तित्थे तित्थाहिवं च उसभजिणं / अवसेसे तित्थयरे वीरजिणिदं च नमिऊणं // 6 // णमिऊण गणहरिंदे आयरिए धम्मदायए सिरसा। णमिऊण सव्वसाहू चउव्विहाराहणं वोच्छं णाणे दंसण चरणे वीरिय आराहणा चउत्थी उ। . . . णाणे अट्ठवियप्पा, तं चिय वोच्छामि ता निउणं // 8 // पढमं काले विणए बहुमाणुवहाण तह अणिण्हवणे / वंजण अत्थ तदुभए णाणस्साऽऽराहओ तेसु . जो काले सज्झाओ सो ण कओ, जो कओ अकालम्मि / जं जहकालं ण कयं तं शिंदे तं च गरिहामि // 10 // अब्भुट्ठाणं अंजलि आसणदाणं च विणयपडिवत्ती। जा न कयऽम्ह गुरूणं तमहं निंदामि भावेणं // 11 // भावेण अणुदिणं चिय एस गुरू पंडिओ महप्पा य / / ण कओ जो बहुमाणो मिच्छा हो दुक्कडं तस्स // 12 // जं जत्थ तवच्चरणं अंगोवंगेसु तह पइण्णेसु। . ण कयं उवहाणं मे इण्डिं निंदामि तं सव्वं // 13 // असुयं पि सुयं भणियं, सुयं पि असुयं ति मूढभावेणं / अण्णाए णिण्हवियं तमहं जिंदामि भावेणं . // 14 // 184
