________________ बेइंदिआण मज्झे संख-कवड्डाइयाण जाएण / दुक्खम्मि मए ठविया ते वि खमावेमि अहमहुणा // 186 // तह तेइंदियभावं पत्तेणं जे विराहिया पाणा / आहारटा अन्नाणदोसओ ते खमावेमि // 187 // विच्छुय-कोलियमाइसु चउरिदिसु जं गएण मए जीवा / दुहिया वहिया सव्वस्स तस्स गरिहामि तिविहेणं // 188 // मच्छ-मगराइजलयरभावं पावित्तु जीवसंघाया / जे छुहवसेण निहया ते हं खामेमि भवभीओ // 189 // दीविय-सीहाईसुं अंतो जाएण थलयरेसु मए / वहिया जे के वि जिया ते वि य तिविहेण खामेमि // 190 // गिद्ध-भिलुंग-हलाहिय-सिंचाणाईसु कूरखयरेसु / उववज्जिय जे वहिया जीवा खामेमि ते सव्वे // 191 // उरपरिसप्पत्ते वि य अहि-अयगर-गोणसाइसु गएणं / डसिया गसिया जे के वि पाणिणो ते वि खामेमि // 192 // गोहा-नउलाईणं भुयपरिसप्पाण जाइमुवलब्भ / जे के वि मए पाणा दूहविया ते खमंतु ममं // 193 // वंताइसु चलिएसुं मुच्छिममणुयत्तणं उवगएणं / मिच्छत्ताईहेऊहिं अज्जियं जं तयं गरिहे . // 194 // अह. गब्भयमणुयत्ते पत्ते जं पावकम्ममायरियं / तिविहेणं तं निंदे पच्छायावेण संजुत्तो // 195 // नरभावं लहिऊणं आसवपणएण तह कसाएहिं / मिच्छेण तिदंडेहिं जं रइयं तं तिहा निंदे // 196 // अमणुन-मणुनेसुं सोय-पमोयाइकरणसत्तेण / राग-द्दोसा जं कम्ममज्जियं तमिह निंदामि // 197 // 177
