________________ वेल्लूरियं व कप्पण, चुन्नणगं चुत्रियं व णेगविहं / तत्तकवल्लीतलणं, लोहंगाराइखावणयं // 126 // इय नारयाण दुक्खं अणंतकाले वि जं मए विहियं / तं सव्वं खामेमी संपइ तिरिए खमावेमि // 127 // तत्थ उ ते पंचविहा, एगिदियमाइ जाव पंचिंदी / एगिदिय पंचविहा, बाया-सुहुमा य पुढवाई . // 128 // तत्थ मए सुहुमाणं अपजत्त-पजत्तयाण जं दुट्ठ। विहियं तमहं गरिहे, अओ परं बायरे खामे ... // 129 // मट्टी खडी य तूरी ऊसं अरणिट्ट-अब्भय-पलेवा / वन्नी गेरू लोणं विद्रुम हेमाइधाऊओ // 130 // रयण-मणि-फलिह-मणसिल-सुंचल-हरियाल-सिंधव-रसिंदा / हिंगुल-सोवीरंजण-कक्कर-पासाणपमुहा उ // 131 // पुढविक्काइयजीवा भवं भमंतेण जे मए के वि। अभिहयमाइपएहिं विराहिया ते वि खामेमि .. // 132 // कूवाइ-वट्ठिउदयं हरतणु हिम करग ओस घणउदही / महियाइ आउजीवा जे वहिया ते अहं खामे // 133 // कणगाऽसणि विज्जुक्का मुम्मुरि इंगाल-जालमाईया / तेउक्काइय जीवा परियाविय ते वि खामेमि // 134 // घण-तणु-मंडलि-मुह-सुद्ध-गुंज-उब्भामगुक्कलीवाया / एमाइ वाउजीवे खामेमि जे मए निहए। // 135 // वणस्सइजिय दुह वुत्ता सुत्ते, साहारणा य पत्तेया। . एगाऽणंताण तणू जाणं, साहारणा ते उ // 136 // मूलय सूयरि वल्ला अल्ला सव्वा वि कंदजाईओ। अल्लहलिद्दा सूरणकंदों तह वज्जकंदो य // 137 // 102
