________________ हरि-करि-करहा वसहा नरनिवहा जुवइ-दविण-गेहाइं / आभरण-वत्थुमाई अहिगरणकरा मए चत्ता // 42 // तह गामा-ऽऽगर-नगरा-ऽऽसम-पट्टण-खेड-कब्बड-मडंबा / दोणमुह-सनिवेसा निगमा य सुरायहाणीओ // 43 // अय-तंब-तउय-सीसग-रययपमुह(?) नाणाविहा य आरामा / जे कय कारविया वि य इह-ऽन्नजम्मे वि ते गरिहे // 44 // खित्त-गुलवाड-वाडी लाढा-सण-गुलियपवरखित्ताई (?) / धम्मत्थं तरुरोवणपमुहं गरिहामि तिविहेणं // 45 // पव-सभ-कूव-सरोवर-सारणि-पुक्खरणि-ढिंकुय-कुसिट्टा / अरहट्टा पावट्टय जे के वि कया चए ते वि // 46 // हल-दंताल-मईए घाणा घाणी य जंतिणि-घट्टे / नीसाहुक्खल-मुसले चुल्ही-चुल्हित्तए वि चए // 47 // पासाय-हट्ट-खट्टा-पट्टा सीहासणाई सिज्जाओ। चामर-मयूर-भद्दासणाई विधिहाई रच्छा(?म्मा)इं // 48 // सुक्खासणाणि वाहिणि रह-रहकल-सिज्जवालिया गंती। लंघी-विहिल्लिपमुहे जंते य चए तिहा सकए // 49 // जलजत्ताए पवहण डूबी बेडा वही य कोटिंबे / खरकुयपमुह अणेगे चएमितिविहेण अहिगरणे // 50 // पायार मार गोउर खाइय विज्जाहरी य तोरणया / ढिंकुलिय-जंत-सुयरी-सयग्घिया-सिल्ल-भल्ला य // 51 // तरवारि-कुंत-सव्वल-करतल-सबली य अद्धचंदा य / नाराय-गया-लउडी-मुग्गर-कट्टारिया-खग्गा // 52 // भत्था-भत्थी-सिंगिणि-धणु-तोमर-रालि-वउलिय-कुडाला / वारणि-फरी-फराओ ओडणपमुहा उ आवरणा // 53 // ... .. 175
