________________ अणसणपडिवत्ती पुण अगिअत्थाणं न चेव पामूले / कायव्वा खवगेणं किंकारणं ? जेणिमे दोसा // 48 // नासेई अग्गीओ चउरंगे सव्वलोगसारंगं / / नट्ठम्मि उ चउरंगे न हु सुलहं होइ चउरंगं // 49 // किं पुण तं चउरंगं जं नट्ठ दुल्लहं पुणो होइ ? / माणुस्सं धम्मसुई सद्धा तवसंजमे विरियं // 50 // किह नासिज्ज अगीओ खुहा-पिवासाहिं पीडिओ सो उ। ओहासइ रयणीए तो निद्धम्मो लि छड्डिज्जा // 51 // अंतो वा बाहिं वा दिया व राओ व सो परिच्चत्तो / अट्टदुहट्टवसट्टो उन्निक्खमणाइ कुज्जा ही // 52 // मरिऊण अट्टझाणो गच्छइ तिरिएसु वणयरेसुं वा / . संभरिऊण य रुट्ठो पडिणीयत्तं करिज्जा ही एए अन्ने य तहिं बहवे दोसा य पच्चवाया य। . तेण न कुज्जा पासे भत्तपरिनं अगीयस्स // 54 // पंच व छ व सत्तसए अइरेगं वा वि जोयणाणं तु / गीयत्थपायमूलं परिमग्गिज्जा अपरितंतो // 55 // एक व दो व तिन्नि व उक्कोसं बारसेव वासाइं। गीयत्थपायमूलं परिमग्गिज्जा अपरितंतो . // 56 // अप्फालिया जह रणे जोहा भंजंति परबलाशीयं / गीयजुओ उ परिनी तह जिणइ परीसहाणीयं // 57 // सुनिउणनिज्जामगविरहियस्स पोयस्स जह भवे नासो / गीयत्थविरहियस्स उ तहेव नासो परिनिस्स // 58 // निउणमईनिज्जामगपोओ जह इच्छियं वए भूमि / गीयत्थेषुववेओ तह उ परिनी लहइ सिद्धि // 59 //
