________________ // 120 // // 121 // // 122 // // 123 // // 124 // / // 125 // पूर्वप्रयोगतोऽसङ्गभावाद् बन्धविमोक्षतः / स्वभावपरिणामाच्च सिद्धस्योर्ध्वगतिर्भवेत् कुलालचक्रदोलेषु मुख्यानां हि यथा गतिः / पूर्वप्रयोगतः सिद्धा सिद्धस्योर्ध्वगतिस्तथा मृल्लेपसङ्गनिर्मोक्षाद्यथा दृष्टाप्स्वलाबुनः / कर्मसङ्गविनिर्मोक्षात्तथा सिद्धगतिः स्मृता एरण्डफलबीजादेर्बन्धच्छेदाद्यथा गतिः / कर्मबन्धनविच्छेदात् सिद्धस्यापि तथेष्यते यथाऽधस्तिर्यगूर्ध्वं च लेष्टुवाय्वग्निवीचयः / स्वभावतः प्रवर्तन्ते तथोर्ध्वगतिरात्मनः न चाधो गौरवाभावान्न तिर्यक् प्रेरकं विना / न च धर्मास्तिकायस्याभावाल्लोकोपरि व्रजेत् मनोज्ञा सुरभिस्तन्वी पुण्या परमभासुरा / प्राग्भारा नाम वसुधा लोकमूर्ध्नि व्यवस्थिता नृलोकतुल्यविष्कम्भा सितच्छत्रनिभा. शुभा / उर्ध्वं तस्याः क्षितेः सिद्धा लोकान्ते समवस्थिताः कालावसरसंस्थाना या मुषा(खा)गतसिक्थुका / तत्रस्थाकाशसंकाशाकारा सिद्धावगाहना ज्ञातारोऽखिलतत्त्वानां दृष्टारश्चैकहेलया / / गुणपर्याययुक्तानां त्रैलोक्योदरवर्तिनाम् / अनन्तं केवलज्ञानं ज्ञानावरणसंक्षयात् / अनन्तं दर्शनं चापि दर्शनावरणक्षयात् क्षायिके शुद्धसम्यक्त्वचारित्रे मोहनिग्रहात् / अनन्तसुखवीर्ये च वेद्यविघ्नक्षयात्क्रमात् // 126 // // 127 // // 128 // // 129 // // 130 // // 131 //
