________________ जम्हा निकाइयाण वि, कम्माण तवेण होइ निज्जरणं / / तम्हा उवयाराओ, तवो इहं निज्जरा भणिया .. // 90 // अणसणमूणोयरिया, वित्तीसंखेवणं रसच्चाओ। .. कायकिलेसो संलीणया य बज्झो तवो होइ .. // 91 // पायच्छित्तं विणओ, वेयावच्चं तहेव सज्झाओ। ज्झाणं उस्सग्गो वि य, अभिंतरओ तवो होइ // 92 // इय बारसभेयत्ता, तवस्स इह निज्जरा वि बारसहा / अहवाणेगविहत्ता, तवस्स साणेगहा होइ / // 93 // कणगावलि रयणावलि सिंहविणिक्कीलियं महं खुड्। .. भद्दा य महाभद्दा, भद्दुत्तरसव्वओभद्दा // 94 // इच्चाइबहुविगप्पो, निदंसिओ जो तवो पवयणम्मि / सो निज्जर त्ति भण्णइ, सा पुण सेसेण कम्मखओ . // 95 // नाणस्स दंसणस्स य, आवरणं वेयणिज्जमोहणीयं / आउयनामं गोय, तहंतरायं ति पयडीओ // 96 // एयासि जो बंधो, सो भण्णइ एत्थ पयडिबंधो त्ति / आसिं चेव ठिईए, निच्चत्तणयं ठिईबंधो .. // 97 // आसि चिय तिव्वाईरसस्स बंधोऽणुभागबंधो त्ति / कम्मपएसेहिं पुणऽणंताणंतेहिँ जो जोगो // 98 // पइपगडिनिययमाणेहि पइपएसं जियस्स सो भणिओ। एत्थं पएसबंधो, बंधविहाणम्मि कुसलेहिं // 99 // मिच्छत्तमविरई तह, कसायजोगा य बंधहेउ ति। . एवं चउरो मूले, भेएण उ सत्तवण्ण त्ति / // 100 // आभिग्गहियं किल दिक्खियाण अणभिग्गहं तु इयराण / गोट्टामाहिलमाईण जं अभिनिवेसियं तु तयं // 101 // 35
