________________ थोवा य तसा तत्तो तेउ असंखा तओ विसेसहिया / कमसो भू-दग-वाऊ अकाय हरिया अणंतगुणा. // 276 // उवसामगा य थोवा खवग जिणा अप्पमत्त इयरे य / कमसो संखेज्जगुणा देसविरय सासणा असंखगुणा // 277 // मिस्सासंखेज्जगुणा अविरयसम्मा तओ असंखगुणा / . सिद्धा य अणंतगुणा तत्तो मिच्छा अणंतगुणा // 278 // सुरनरए सासाणा थोवा मीसा य संखगुणयारा / तत्तो अविरयसम्मा मिच्छा य भवे असंखगुणा // 279 // तिरिएसु देसविरया थोवा सासायणा असंखगुणा। .. मीसा य संख अजया असंख मिच्छा अणंतगुणा // 280 // मणुया संखेज्जगुणा गुणीसु मिच्छा भवे असंखगुणा / .. एवं अप्पबहुयं दव्वपमाणेहिं साहेज्जा' / / . 281 // धम्माधम्मागासा तिन्नि वि दव्वट्ठया भवे थोवा / तत्तो अणंतगुणिया पोग्गलदव्वा तओ समया // 282 // धम्माधम्मपएसा तुल्ला परमाणवो अणंतगुणा / समया तओ अणंता तह खपएसा अणंतगुणा // 283 // धम्माधम्मपएसेहितो जीवा तओ अणंतगुणा / पोग्गलसमया खंपि य पएसओ ते अणंतगुणा // 284 // बहुभंगदिट्ठिवाए दिद्रुत्थाणं जिणोवइट्ठाणं / धारणपत्तट्ठो पुण जीवसमासत्थउवउत्तो // 285 // एवं जीवाजीवे वित्थरभिहिए समासनिद्दिढे / उवउत्तो जो गुणए तस्स मई जायए विउला - // 286 // 24
