________________ परमाणू दव्वाणं दुपएसाईणमेव खंधाणं / समओ अणंतकालो त्ति अंतरं नत्थि सेसाणं . // 264 // उवसम खइओ मीसो उदओ परिणाम सन्निवाओ य / छद्धा जीवसमासो परिणामुदओ अजीवाणं // 265 // ओदइय ओवसमिउ खइओ मीसो य मोहजा भावा / उवसमरहिया घाइसु होंति उ सेसाइं ओदइए // 266 // केवलिय नाण-दंसण खइयं सम्मं च चरणदाणाई / नव खइया लद्धीओ उवसमिए सम्म चरणं च // 267 // नाणा चउ अण्णाणा तिन्नि उ दंसणतिगं च गिहिधम्मो / वेयय चउ चारित्तं दाणाइग मिस्सगा भावा // 268 // गइ-काय-वेय-लेसा कसाय अन्नाण अजय अस्सण्णी। मिच्छाहारे उदया जियभव्वियरियत्तियसहावो // 269 // धम्माधम्मागासा कालो त्ति य पारिणामिओ भावो / खंधा देस पएसा अणू य परिणाम उदए य . // 270 // थोवा नरा नरेहि य असंखगुणिया हवंति नेरइया / तत्तो सुरा सुरेहि य सिद्धाऽणंता तओ तिरिया // 271 // थोवा य मणुस्सीओ नर-नरयतिरिक्खओ असंखगुणा / सुरदेवी संखगुणा सिद्धा तिरिया अणंतगुणा . // 272 // थोवा य तमतमाए कमसो घम्मंतया असंखगुणा। थोवा तिरिक्खिपज्जत्तऽसंख तिरिया अणंतगुणा // 273 // थोवाणुत्तरवासी असंखगुणवुड्डि जाव सोहम्मो / भवणेसु वंतरेसु य संखेज्जगुणा य जोइसिया // 274 // पंचिंदिया य थोवा विवज्जएण वियला विसेसहिया / तत्तो य अणंतगुणा अणिदिएगिदिया कमसो // 275 // 23
