________________ एण संभवतो ठाणाई कम्मपएसेहिं होंति नेयाई / करणेसु य उदयम्मि य अणुमाणेणेवमेएणं // 468 // करणोदयसंताणं पगइट्ठाणेसु सेसयतिगे य। भूयक्कारऽप्पयरो अवढिओ तह अवत्तव्वो // 469 // एगादहिगे पढमो एगाई ऊणगम्मि बिइओ उ। तत्तियमेत्तो तइओ पढमे समये अवत्तव्वो . // 470 // करणोदयसंताणं सामित्तोघेहिं सेसगं नेयं / गइयाइमग्गणासुं संभवओ सुठ्ठ आगमिय // 471, बंधोदीरणसंकमसंतुदयाणं जहन्नगाईहिं / . संवेहो पगइ ठिई अणुभागपएसओ नेओ // 472 // करणोदयसंतविऊ तन्निज्जरकरणसंजमुज्जोगा। कम्मट्ठगुदयनिट्ठाजणियमणिटुं सुहमुवेंति // 473 // इय कम्मप्पगडीओ जहासुयं नीयमप्पमइणा वि / सोहियणाभोगकयं कहंतु वरदिट्ठिवायन्नू // 474 // जस्स वरसासणावयवफरिसपविकसियविमलमइकिरणा। विमलंति कम्ममइले सो मे सरणं महावीरो // 475 // 268
