________________ हस्सट्टिइं पज्जत्ता तन्नामा विगलजाइसुहुमाणं / थावरनिगोयएगिदियाणमवि बायरो नवरिं // 288 // आहारतणू पज्जत्तगो न चउरंसमउयलहुगाणं / पत्तेयखगइपरघायाहारतणूण य विसुद्धो // 289 // उत्तरवेउविजई उज्जोवस्सायवस्स खरपुढवी / नियगगईणं भणिया तइए समएऽणुपुव्वीणं // 290 // जोगते सेसाणं सुभाणमियरासि चउसु वि गईसु / पज्जत्तुक्कडमिच्छस्सोहीणमणोहिलद्धिस्स // 291 // सुयकेवलिणो मइसुयचक्खुअचक्खुणुदीरणा मंदा / विपुलपरमोहिगाणं मणणाणोहीदुगस्सावि // 292 // खवणाए विग्घकेवलसंजलणाण य सनोकसायाणं / सयसयउदीरणंते निद्दापयलाणमुवसंते. // 293 // निद्दानिदाईणं पमत्तविरए विसुज्झमाणम्मि। वेयगसम्मत्तस्स उ सगखवणोदीरणाचरमे से // 294 // सेकाले सम्मत्तं ससंजमं गिण्हओ य तेरसगं / सम्मत्तमेव मीसे आऊण जहन्नगठिईसु // 295 // पोग्गलविवागियाणं भवाइसमये विसेसमवि चासि / आइतणूणं दोण्हं सुहुमो वाऊ य अप्पाऊ // 296 // बेइंदिय अप्पाउग निरय चिरठिई असन्निणो वा वि / अंगोवंगाणाहारगाए जइणोऽप्पकालम्मि // 297 // अमणो चउरंसुसभाणप्पाऊ सगचिरट्ठिई सेसे / संघयणाण य मणुओ हुंडुवघायाणमवि सुहुमो . // 298 // सेवट्टस्स बिइंदिय बारसवासस्स मउयलहुगाणं / सन्नि विसुद्धाणाहारगस्स वीसा अइकिलिडे // 299 // રપ૩
