________________ पत्तेगमुरालसमं इयरं हुंडेण तस्स परघाओ। अप्पाउस्स य आयवुज्जोयाणमवि तज्जोगो // 300 // जा णावज्जियकरणं तित्थगरस्स नवगस्स जोगते / कक्खडगुरूणमंते नियत्तमाणस्स केवलिणो // 301 // सेसाण पगइवेई मज्झिमपरिणामपरिणओ होज्जा / पच्चयसुभासुभा वि य चितिय नेओ विवागे य : // 302 // पंचण्हमणुक्कोसा तिहा पएसे चउव्विहा दोण्हं / सेसविगप्पा दुविहा सव्वविगप्पा य आउस्स . // 303 // मिच्छत्तस्स चउद्धा सगयालाए तिहा अणुक्कोसा। . सेसविगप्पा दुविहा सव्वविगप्पा य सेसाणं // 304 // अणुभागुदीरणाए जहन्नसामी पएसजेट्टाए / घाईणं अन्नयरो ओहीण विणोहिलंभेण // 305 // वेयणियाणं गहिहिइ सेकाले अप्पमायमिय विरओ / संघयणपणग़तणुदुगउज्जोया अप्पमत्तस्स . // 306 // देवनिरयाउगाणं जहन्नजेट्टट्ठिई गुरुअसाए / इयराऊणवि अट्ठमवासे णेयोऽट्ठवासाऊ // 307 // एगंत तिरियजोग्गा नियगविसिढेसु तह अपज्जत्ता / संमुच्छिममणुयंते तिरियगई देसविरयस्स // 308 // अणुपुब्विगइदुगाणं सम्मद्दिट्ठी उ दूभगाईणं / नीयस्स य सेकाले गहिहिइ विरयत्ति सो चेव // 309 // जोगंतुदीरगाणं जोगते सरदुगाणुपाणूणं / नियगंते केवलिणो सव्वविसुद्धीए सव्वासि // 310 // तप्पओगदीरगतिसंकिलिट्ठभावो अ सव्वपंगईणं / नेयो जहन्नसामी अणुभागुत्तो य तित्थयरे // 311 // 254
